قۋاتتاعىش سىمدى تەلەفونسىز توك كوزىندە قالدىرماڭىز. سەبەبى ۇيالى تەلەفوندى قۋاتتاۋ قۇرالى كۇتۋ رەجيمىندە دە بويىنا ەلەكتر قۋاتىن تارتۋدى توقتاتپايدى, دەپ جازادى Egemen.kz.
قۋاتتاعىشتى توك كوزىنەن اجىراتپاۋ سالدارىنان ادام ومىرىنە قاۋىپتى 3 جاعداي تۋىنداۋى مۇمكىن:
قۋاتتاعىشتىڭ ىشىندە كۇتۋ رەجيمىندە دە ەلەكتر قۋاتىن تارتۋدى جالعاستىراتىن كومپونەنت بار. بۇل كەزدە ەنەرگيانى تارتۋ كۇشى از بولسا دا, قۋات كەلۋ كەرنەۋى توقتامايدى. قۋاتتاعىش تەلەفونسىز ءبىرشاما ۋاقىت توك كوزىندە قالىپ كەتسە ىشكى سىمدارى قىزىپ, كوندەنساتور سياقتى ىشكى كومپونەنتتەرى تەز توزىپ كەتەدى. توك كوزىندە تۇرعان قۋاتتاعىشتا كەرنەۋ كەنەت وزگەرە قالسا شەكتەن تىس قىزىپ, وزدىگىنەن تۇتىندەپ, سوڭى ورتكە ۇلاسۋى مۇمكىن. قۋاتتاعىشتى تەلەفونسىز توك كوزىندە قالدىرۋ, اسىرەسە, كىشكەنتاي بالالارى مەن ءۇي جانۋارلارى بار وتباسى ءۇشىن تىم قاۋىپتى. سەبەبى ءبىرىنشى پۋنكتتە ەسكەرتىلگەندەي, قۋاتتاۋشى قۇرالدا ەلەكتر كەرنەۋى كەنەت قىزعان كەزدە بالا نە جانۋار جاقىنداي قالسا توك سوعۋ قاۋپى بار.