«قازاقمىس» كومپانياسىنىڭ رەسمي سايتى تاعى ءبىر قايعىلى وقيعا تۋرالى حابارلادى. 26 جەلتوقسان كۇنى ساعات 18:30 شاماسىندا «جىلاندى» كەنىشىندە 31 جاستاعى ماشينيست قازا تاپتى, دەپ جازادى Egemen.kz.
وندىرىستەگى وقىس وقيعا ۇلىتاۋ وبلىسىنداعى «جىلاندى» كەنىشىندە بولعان.
«ساعات 18.30-دا شاحتا ۋچاسكەلەرىنىڭ ءبىرى – «شىعىس سارى-وبادا» وزدىگىمەن جۇرەتىن جەراستى ماشيناسى وندىرىستىك قوزعالىس بارىسىندا 1992 جىلى تۋعان ءماشينيستتى ابايسىزدا باسىپ كەتتى. سالدارىنان جۇمىسشى ولىمگە الىپ كەلگەن اۋىر جاراقاتتار الدى.
ارنايى كوميسسيا جازاتايىم وقيعانىڭ ءمان-جايى مەن سەبەبىن انىقتاپ جاتىر.
«قازاقمىس» كومپانياسىنىڭ باسشىلىعى مەن ەڭبەك ۇجىمى قازا بولعان جۇمىسشىنىڭ تۋىستارى مەن جاقىندارىنا كوڭىل ايتادى», دەلىنگەن كومپانيا حابارلاماسىندا.