استانادا حوككەيدەن بالالار اراسىندا حالىقارالىق تۋرنير باستالدى, دەپ حابارلايدى Egemen.kz.
«SAMRUK BALA CUP 2023» حوككەيدەن بالالار اراسىنداعى حالىقارالىق تۋرينيرگە ەلىمىزدىڭ 8 وڭىرىنەن 24 كوماندا جانە وزبەكستان مەن قىرعىزستاننان دا كوماندا قاتىسىپ جاتىر. ءتۋرنيردى ۇيىمداستىرۋشىلار باستى ماقسات حوككەي سپورتىن ناسيحاتتاپ, حالىق اراسىندا كەڭىنەن تارالىپ دامۋىنا سەرپىن بەرۋ دەيدى. 14 جەلتوقسانعا دەيىن جالعاساتىن تۋرنير «بارىس» سپورت كەشەنىندە وتەدى. بۇل دودا «سامۇرىق-قازىنا» اق قايىرىمدىلىق قىزمەتىنىڭ بىرىڭعاي وپەراتورى – «Samruk- Kazyna-Trust» قورىنىڭ قارجىلاي قولداۋىمەن «Altyn shaibaly» جوباسى اياسىندا ۇيىمداستىرىلعان العاشقى جارىس. كەلەسى جىلى وسى جوبا اياسىندا اۋىل بالالارىنىڭ اراسىندا دا بىرنەشە تۋرنير وتكىزۋ جوسپارلانىپ وتىر. وعان قاتىسۋعا قازىردىڭ وزىندە 200-دەن استام اۋىلدىڭ بالاسىنان ءوتىنىم كەلىپتى.