جىگەرلى جاستار

جالىندى جاستار اراسىن­داعى جاۋاپتى جارىسقا ءتورت ءوڭىر­دىڭ ورەندەرى وتە جاقسى دايىن­دىقپەن كەلگەنى بىردەن بايقالدى. سولاردىڭ اراسىنان قاراعاندى وبلىسىنىڭ كوشى ىلگەرى بولدى. كەنشىلەر ايماعىنىڭ وكىلدەرى 2 التىن, 3 كۇمىس جانە 2 قولانى قورجىنعا سالدى. جەكەلەگەن بىلعارى قول­عاپ شەبەرلەرىنە كەلەر بول­ساق, 52 كگ سالماق دارە­جە­سى­نىڭ باس جۇلدەسىن قارا­عان­دىلىق الماس نۇرلان مەن رۋس­لان ق ۇلىمبەكوۆ ءوزارا سا­راپقا سالدى. بۇل باسەكە العاش­قىسىنىڭ پايداسىنا شە­شىلدى. 82 كگ سالماقتا يمانعالي نۇ­ر­پەيىسوۆتىڭ اسىعى الشىسىنان ءتۇستى. فينالدا ول ورالدىق يم­ران دىنىشەۆتەن باسىم ءتۇستى.

جالپى ەسەپتە جامبىل وبلىسى (2 التىن, 2 كۇمىس, 3 قولا) ەكىنشى ورىندى يەلەندى. تاراز بوكس مەكتەبىنىڭ تۇلەكتەرى اراسىندا اسقار قۋانىش (63,5 كگ) پەن ماديار بەكسۇلتانوۆقا (80 كگ) تەڭ كەلەر ەشكىم تابىلمادى. اقتىق سىندا اسقار تۇر­كىستاندىق احمەت ۇسەندى تىزە بۇك­تىرسە, ماديار استانالىق ءشا­­­مىل ساگيدولداەۆقا سان سوق­تىردى. ءۇشىنشى ساتىعا قىزىل­وردانىڭ قىراندارى (2+0+1) جايعاستى. سىر بويى جانكۇيەر­لەرىن ەرحان وڭتالاپوۆ (54 كگ) پەن اسلان ەلدىباي ۇلى (92 كگ) قۋانتىپ, باس جۇلدەنى ولجالادى. ءتورتىنشى ورىنعا تابان تىرەگەن شىمكەنتتىڭ شىمىر جىگىتتەرى ەكى التىندى ەنشىلەدى. ولار – بەك جولداسبەك (60 كگ) پەن سانجار-ءالي بەگاليەۆ (75 كگ).

باتىس قازاقستان (1+1+3), تۇركىستان (1+1+1), جەتىسۋ (1+0+0), اقتوبە (1+0+0) وبلىس­­تارى مەن الماتى قالاسى (1+0+0) وكىلدەرىنىڭ دە اياقالىسى جامان ەمەس. فينالدا ورالدىق ونەر سەيىلحان (71 كگ) استانالىق المۇحاممەد احمەتوۆتەن ايلاسىن اسىرسا, وڭتۇستىكتەن كەلگەن سۇلتان تۇردالى (67 كگ) مەن تالدىقورعاندىق ادىلبەك قوجاحان (48 كگ) ابايلىق دياس سەرىك ۇلى مەن اباي تولەۋبەكوۆتى جەڭدى. ال الماتىلىق نۇركەلدى جۇماتاي (+92 كگ) ماڭعىستاۋلىق سالاۋات تىلەكبايدى ايقىن با­سىم­دىقپەن ۇتتى.

سونداي-اق استانا قالاسى (0+2+3), اباي (0+2+3), الماتى (0+1+3), ماڭعىستاۋ (0+1+0), پاۆلودار (0+0+2), اقمولا (0+0+1), اتىراۋ (0+0+1), قوس­تاناي (0+0+1) جانە شىعىس قازاق­ستان (0+0+1) مەن سولتۇس­تىك قازاقستان (0+0+1) وبلىس­تارىنىڭ بوكسشىلارى دا ۇيىنە قۇ­رالاقان ورالعان جوق. ءبىر ايتا كەتەرلىگى, قازاقستاننىڭ بار­لىق ايماعىنان كەلگەن جالىندى جاستاردىڭ جارىسىندا ۇلى­تاۋ ءوڭىرىنىڭ ورەندەرىنە عانا جەڭىس تۇعىرىنا كوتەرىلۋ باقىتى بۇيىرمادى.