قىزىلوردادا ەرلى-زايىپتىلار الاياقتىقپەن ۇستالدى, دەپ حابارلايدى Egemen.kz.
وزدەرىنە سەنگەن جۇرتتى جەر سيپاتىپ كەتۋدى كوزدەگەن ەرلى-زايىپتىلار وسى جىلدىڭ شىلدە ايىندا «قىزىلوردا وبلىسى بويىنشا ەكونوميكالىق تەرگەپ-تەكسەرۋ دەپارتامەنتىنىڭ وندىرىسىندەگى قىلمىستىق ءىس بويىنشا جاۋاپتىلىقتان بوساتىپ بەرەمىز» دەگەن جەلەۋمەن ءبىر جابىرلەنۋشىدەن 8 000 000 تەڭگە العان. ۋادەلى مەرزىم ۇزاپ كەتكەسىن الدانعانىن سەزگەن جابىرلەنۋشى شاعىم جاساپ, قاراشا ايىنىڭ 28-ىندە اتالعان دەرەك قر قك-ءنىڭ 190-بابىنىڭ 3-بولىگىنىڭ 1-تارماعىمەن جانە قك-ءنىڭ 28-بابىنىڭ 4-بولىگى, 367-بابىنىڭ 3-بولىگىنىڭ 1-تارماعىمەن سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە تىركەلگەن.
قازىر «ا» جانە «گ» ەسىمدى ازاماتتارعا قىزىلوردا قالالىق مامانداندىرىلعان سوتىنىڭ 2 اي مەرزىمگە «كۇزەتپەن ۇستاۋ» تۇرىندەگى بۇلتارتپاۋ شاراسىن قولدانۋ تۋرالى سانكتسياسى بەرىلىپ, ءىس بويىنشا تەرگەپ-تەكسەرۋ ارەكەتتەرى جۇرگىزىلىپ جاتىر.