قاسىم-جومارت توقاەۆ ۇقشۇ ۇجىمدىق قاۋىپسىزدىك كەڭەسىنىڭ كەڭەيتىلگەن قۇرامدا وتكەن سەسسياسىنا قاتىستى قاسىم-جومارت توقاەۆ سەسسيا قاتىسۋشىلارىنا ءىلتيپات بىلدىرە وتىرىپ, جيىندى جوعارى دەڭگەيدە ۇيىمداستىرعانى ءۇشىن بەلارۋس تاراپىنا جانە الەكساندر لۋكاشەنكوعا ريزاشىلىق ءبىلدىردى, دەپ حابارلايدى Egemen.kz اقورداعا سىلتەمە جاساپ.
پرەزيدەنت 2024 جىلدىڭ 1 قاڭتارىنان باستاپ ۇقشۇ-عا توراعالىق ەتۋ مىندەتى قازاقستان رەسپۋبليكاسىنا وتەتىنىن مالىمدەدى. وسىعان وراي مەملەكەت باسشىسى قازاقستان توراعالىعى كەزىندە ۇيىم قىزمەتى بويىنشا ەرەكشە نازار اۋدارۋدى قاجەت ەتەتىن بىرقاتار باسىم باعىتتى ۇسىندى.
ء«بىرىنشى, ۇقشۇ-نىڭ قاۋىپسىزدىك سالاسىندا مۇددەلى ەلدەرمەن جانە حالىقارالىق ۇيىمدارمەن ىنتىماقتاستىق ورناتۋ. بىرىككەن ۇلتتار ۇيىمىمەن جانە ونىڭ قۇرىلىمدارىمەن ارادا قالىپتاسقان ىقپالداستىق دەڭگەيىن ساقتاۋعا باسا ءمان بەرۋدى ۇسىنامىز. بۇل جۇمىس 2010 جىلدىڭ 18 ناۋرىزىندا ۇقشۇ مەن بۇۇ حاتشىلىقتارى اراسىندا قول قويىلعان ىنتىماقتاستىق تۋرالى بىرلەسكەن دەكلاراتسيا نەگىزىندە جۇرگىزىلەدى. تمد مەن شىۇ اراسىنداعى ىنتىماقتاستىقتى ودان ءارى تەرەڭدەتۋدى قۇپتايمىز. «ۇقشۇ-نىڭ تمد-مەن جانە شىۇ-مەن ىنتىماقتاستىعىن نىعايتۋ جونىندەگى پراكتيكالىق شارالار» اتتى قۇجاتتا ونىڭ ناقتى قادامدارى ايقىندالعان», دەدى ق.توقاەۆ.
اسكەري ىنتىماقتاستىق ماسەلەلەرى بويىنشا قارىم-قاتىناس ۇيىم قىزمەتىنىڭ ەكىنشى ماڭىزدى باعىتى رەتىندە ايتىلدى. مەملەكەت باسشىسى ۇقشۇ ۇجىمدىق كۇشتەرىن جەدەل ارەكەت ەتۋ ماسەلەلەرىنە قاتىستى نورماتيۆتىك-قۇقىقتىق بازانى جەتىلدىرۋ قاجەتتىگىن دە ايتتى.
«بۇل كونتينگەنتتىڭ كەدەرگىسىز ءارى ەش جەرگە ايالداماي قوزعالۋىنا, اسكەري اۆياتسيانىڭ ۇشۋىنا جانە تاعى دا باسقا اسپەكتىلەرگە قاتىستى. سونىمەن قاتار اسكەري كادرلاردى دايارلاۋ جۇيەسىن جانە ۇقشۇ-عا مۇشە مەملەكەتتەردىڭ اسكەري-عىلىمي قۋاتىن دامىتۋدى جالعاستىرعان ءجون. ۇيىمنىڭ بىتىمگەرشىلىك الەۋەتىن ارتتىرۋعا ايرىقشا ءمان بەرۋ ۇسىنىلادى. بۇل رەتتە ۇقشۇ باس حاتشىسىنىڭ بىتىمگەرشىلىك ماسەلەلەرى جونىندەگى ارنايى وكىلىنىڭ قىزمەتى زور ءرول اتقارادى», دەدى پرەزيدەنت.