ماڭعىستاۋ وبلىسى – سۇيىتىلعان گازدىڭ ءىرى تۇتىنۋشىسى. اي سايىن وڭىردە 18 مىڭ توننا شاماسىندا گاز پايدالانىلادى. جاڭاوزەن قالاسىنداعى «قازاقگازوڭدەۋ زاۋىتى» جشس ايىنا 17 مىڭ توننا گاز ءوندىرىپ ىشكى نارىقتى قامتاماسىز ەتسە, قالعان 1 مىڭ توننا گاز قوسىمشا «اتىراۋمۇنايوڭدەۋ زاۋىتى» جشس-نان الىنادى.
قازىرگى تاڭدا ايماقتا 433 اۆتوگاز قۇيۋ بەكەتى بار. اقتاۋ قالاسىندا – 93, جاڭاوزەن قالاسىندا – 74, مۇنايلى اۋدانىندا – 113, بەينەۋ اۋدانىندا – 30, قاراقيا اۋدانىندا 27, ماڭعىستاۋ جانە تۇپقاراعان اۋداندارىندا تيىسىنشە – 52 جانە 44 بەكەت تىركەلگەن.
قىركۇيەك ايىندا وڭىردە ورتاشا تاۋلىكتىك گاز تۇتىنۋدىڭ كورسەتكىشى 607,479 توننانى قۇرادى. ناقتى ايتساق, اقتاۋ قالاسى – 195,615, جاڭاوزەن – 156,682, مۇنايلى – 98,153, ماڭعىستاۋ – 48,759, بەينەۋ – 46,175, تۇپقاراعان – 35,803, قاراقيا – 26,293 توننا گاز تۇتىنعان. قازان ايىنىڭ سوڭعى كۇنىندە ايماق بويىنشا قالعان گاز كولەمى 2050,9 توننانى قۇرادى.
جەرگىلىكتى اتقارۋشى ورىندار جانار-جاعارماي, سۇيىتىلعان گاز باعاسىن قاداعالاۋدا ۇستاۋ ءۇشىن كۇن سايىن مونيتورينگ جۇرگىزىپ وتىرادى. قازىرگى كەزدە جاعداي تۇراقتى, گاز قۇيۋ بەكەتتەرىندە شەكتەن شىققان كولىك كەزەگى جوق. گاز باعاسى ماڭعىستاۋ وبلىسىندا 54-59 تەڭگە كولەمىندە ساتىلىپ جاتىر.