مەملەكەت باسشىسى قاسىم-جومارت توقاەۆ تۋريزم جانە سپورت ءمينيسترى ەرمەك مارجىقپاەۆتى قابىلدادى, دەپ جازادى Egemen.kz اقوردا ءباسپاسوز قىزمەتىنە سىلتەمە جاساپ.
قاسىم-جومارت توقاەۆقا مينيسترلىكتىڭ قازىرگى قىزمەتى مەن الداعى كەزەڭگە ارنالعان جوسپارى تۋرالى باياندالدى.
مەملەكەت باسشىسىنا قىتايدا وتكەن ازيا جانە پارازيا ويىندارىنىڭ قورىتىندىسى بويىنشا جۇرگىزىلگەن ساراپتاما ناتيجەلەرى جونىندە ەسەپ بەرىلدى.
پرەزيدەنت سالانى دامىتۋدىڭ جاڭا تاسىلدەرىن ازىرلەۋ ءۇشىن ساپالى ءارى كەزەڭ-كەزەڭىمەن جۇمىس جۇرگىزۋدى تاپسىردى.
سونىمەن قاتار مەملەكەت باسشىسىنا مينيسترلىككە قاراستى سالالارداعى زاڭنامالىق بازانى جەتىلدىرۋ, ەلىمىزدىڭ تۋريستىك الەۋەتىن ودان ءارى دامىتۋ جونىندە مالىمەت بەرىلدى.
كەزدەسۋ سوڭىندا قاسىم-جومارت توقاەۆ مينيسترلىككە اتالعان باعىتتار بويىنشا ناقتى مىندەتتەر جۇكتەدى.