تۋريزم جانە سپورت ءمينيسترى ەرمەك مارجىقپاەۆ قىتايدا وتكەن ازيادانىڭ قورىتىندىسى تۋرالى جۋرناليستەردىڭ ساۋالىنا جاۋاپ بەردى, دەپ حابارلايدى Egemen.kz.
ونىڭ مالىمەتىنشە, سپورتشىلارىمىز ەندى وليمپياداعا دايىندالۋعا كىرىسەدى.
«كەلەسى جىلدىڭ شىلدە ايىنا دەيىن بارىنشا كوبىرەك ليتسەنزيا الۋعا تالپىناتىن بولامىز. ال ازيادا ويىندارىنىڭ ناتيجەسىنە كىمنىڭ كىنالى ەكەنىن ءدال قازىر ايتا سالۋ قيىن. قورىتىندىنى سودان كەيىن شىعارامىز. ازىرگە تۇسپالداي سالۋعا بولمايدى. قازىر باستىسى - سپورتشىلاردى وليمپياداعا دايىنداۋ جۇمىستارىن قولعا الۋ قاجەت», دەدى مينيستر.
سەبەبى, جاڭا دايىندىق كەزەڭى باستالعان.
«ازيا ويىندارىنان سوڭ ءبارىن سارالاپ, ساراپتايمىز. سودان كەيىن وليمپياداعا جاڭا كۇشپەن دايىندالامىز», دەدى ول.
ايتا كەتەيىك, قازاقستان ازيا ويىندارىندا مەدال سانى بويىنشا 11-ءشى ورىندى ەنشىلەپ, 80 مەدال (10 التىن, 22 كۇمىس, 48 قولا) العان بولاتىن.