ماڭعىستاۋدىڭ ماڭ دالاسىنىڭ ءسانىن كەلتىرەتىن اڭداردىڭ ءبىرى – ارقار. ءپىر بەكەتتىڭ اسىراۋىندا بولعان تۇلىك سانالاتىندىقتان ءوڭىر تۇرعىندارىنىڭ ۇعىمىندا ارقارعا دەگەن قۇرمەت ايرىقشا. ءبىر جىلدارى ءارتۇرلى سەبەپپەن سانى ازايعان ارقاردىڭ باسى قازىر قايتا كوبەيىپ كەلەدى.
قازاننىڭ مامىراجاي ءبىر اپتالىعىندا تاۋ مەن تاستى مەكەن ەتكەن ارقارلارعا ساناق جۇرگىزىلدى. ناقتىراق ايتساق, بارلىق ەرەكشە قورعالاتىن تابيعي اۋماقتاردا «وحوتزووپروم» ءوب رمقك جانە زوولوگيالىق ينستيتۋتىنىڭ قىزمەتكەرلەرى تاراپىنان جوسپارعا سايكەس ساناق جۇمىستارى ءجۇردى. ساناق ناتيجەسىندە قىزىل كىتاپقا ەنگەن, جويىلۋ قاۋپى بار تۇياقتى جابايى اڭداردىڭ, سونىڭ ىشىندە ارقار سانىنىڭ وسكەنى بايقالدى. سوڭعى ءۇش جىل بويىنشا ءوسىم سانى 18%-دى قۇرايدى. 2021 جىلى ارقارلار سانى 861, 2022 جىلى 1026 بولسا, 2023 جىلى 1059 باسقا ارتقان.
ماڭعىستاۋ وبلىسى اۋماعىندا 1 وڭىرلىك تابيعي «قىزىلساي» پاركى, «جابايۇشقان», «ماناشى», «تاسورپا», «ادامتاس» سىندى وڭىرلىك تابيعي قاۋمالدار بار. قاۋمال قىزمەتكەرلەرىنىڭ ەڭبەگى ناتيجەسىندە 2023 جىلى قاۋمال اۋماقتارى بويىنشا 42 بۇلاق كوزى اشىلدى. قولدان سۋارۋ ادىسىمەن قۇدىق باسىنا استاۋ ورناتىلىپ, سىرتى قورشالدى. رەيدتىك شارالار ۇزدىكسىز جۇرگىزىلىپ, ءورت قاۋىپسىزدىگى بويىنشا باقىلاۋ كۇشەيتىلدى.
ارقار سانىنىڭ ارتۋى دالا اڭدارىنىڭ قاۋىپسىزدىگىن قامتاماسىز ەتۋ باعىتىنداعى جۇمىستاردىڭ جەمىسى دەۋگە نەگىز بار.
ماڭعىستاۋ وبلىسى