وسكەمەندە جىلجىمايتىن م ۇلىك جارمەڭكەسى ءوتتى. 11 قۇرىلىس كومپانياسى تۇرعىن ءۇي كەشەندەرىمەن تانىستىرىپ, الەۋەتتى ساتىپ الۋشىلارعا كەڭەس بەردى. سونىمەن قاتار جاقسى جەڭىلدىكتەر ۇسىندى. مۇنداي ءىس-شارانى «وتباسى بانكى» ءبىرىنشى جىل ۇيىمداستىرىپ وتىرعان جوق.
جىل سايىن وتەتىن جىلجىمايتىن م ۇلىك جارمەڭكەسىنە نەگىزىنەن «وتباسى بانكىنىڭ» سالىمشىلارى شاقىرىلادى, بىراق مۇندا باسپانا ساتىپ العىسى كەلەتىن كەز كەلگەن ادام دا كەلە الادى. بۇل –قۇرىلىس كومپانيالارى مەن تۇرعىنداردى بايلانىستىراتىن ىڭعايلى الاڭ. ويتكەنى بۇل جەردە تۇرعىن ءۇي كەشەندەرىمەن بىردەن تانىسا الاسىز, كوكەيدە جۇرگەن سۇراقتارىڭىزعا جاۋاپ الا الاسىز. بۇعان قوسا نەسيە بويىنشا الدىن الا تولەم قابىلەتتىلىگىن ەسەپتەپ, تۇرعىن ۇيگە تاپسىرىس بەرۋگە مۇمكىندىك بار.
تاعى ءبىر ماڭىزدىسى – كورمەگە ەلگە بەلگىلى قۇرىلىسشىلار قاتىستى. ولاردىڭ اراسىندا «ۆوستوك-ستروي» كومپانياسى, Emcompany, D.O.M.A, «بيريۋزا» سىندى قۇرىلىس نىساندارى بار.
ء«بىزدىڭ باستى ميسسيامىز – ادامدارعا تۇرعىن ءۇي ساتىپ الۋعا جانە قاراجات جيناقتاۋ مادەنيەتىن دامىتۋعا كومەكتەسۋ, ارزان نەسيە الۋ جولدارىن ءتۇسىندىرۋ جانە ول ءۇشىن قانداي قادامدار جاساۋ كەرەك ەكەنىن نۇسقاۋ. سالىمشىلار ءۇشىن مۇنداي جارمەڭكەلەردىڭ پايداسى كوپ, ويتكەنى بارلىق اقپاراتتى ءبىر جەردەن الۋعا بولادى», دەدى «وتباسى بانك» اق شىعىس قازاقستان فيليالىنىڭ ديرەكتورى نازىگۇل اققۇلوۆا.
وسكەمەندە 28-55 جاس اراسىنداعى ازاماتتار تۇرعىن ءۇيدى ءجيى ساتىپ الادى. سونىڭ ءبىرى - «وتباسى بانكى» باعدارلاماسى ارقىلى باسپانالى بولعان قالا تۇرعىنى اسحات قۇزارقانوۆ. جاس جىگىت مىنا كورمەدەن سوڭ تاعى دا پاتەر الماققا نيەتتى ەكەنىن ايتتى. تاعى ءبىر بانك سالىمشىسى, وسكەمەندىك - مەيرام ساليحوۆا. كورمەدە ول جاڭا سالىنعان تۇرعىن ءۇي كەشەنىن تاڭدادى. بۇعان دەيىن ول جولداسىمەن بىرگە ەكى اي بويى باسپانا ىزدەپ كەلگەن.
«بۇگىن ءبىز ۇناعان پاتەرىمىزدى تاڭدادىق. قۇرىلىس كومپانياسى وكىلدەرىمەن, بانك مەنەدجەرىمەن سويلەستىك, ساتىپ الاتىن بولدىق», دەيدى مەيرام ساليحوۆا.
بيىل وتباس بانك 1 603 شىعىسقازاقستاندىق تۇرعىننىڭ قونىس تويىن تويلاۋىنا وراي تۋعىزدى. جىل باسىنان بەرى وتباسى بانككە شقو-نىڭ 4 045 تۇرعىنى سالىمشى رەتىندە تىركەلىپ, ەسەپشوت اشقان.