مادەنيەت جانە اقپارات مينيسترلىگىنىڭ باستاماسىمەن سولتۇستىك قازاقستان وبلىسى اكىمدىگىنىڭ قولداۋىمەن جانە قاليبەك قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ ۇيىمداستىرۋىمەن كورنەكتى مەملەكەت جانە قوعام قايراتكەرى تەمiربەك جۇرگەنوۆتiڭ 125 جىلدىعىنا ارنالعان قازاقستان دراما تەاترلارىنىڭ XXIX رەسپۋبليكالىق فەستيۆالى 9-قازان كۇنى پەتروپاۆل قالاسىندا باستاۋ الىپ, 14 قازاندا مارەسىنە جەتتى.
فەستيۆالگە 10 تەاتر قاتىسىپ, قويىلىمداردى بەلگىلى تەاتر سىنشىلارىنان قۇرالعان قازىلار القاسى باعالادى. ونىڭ ىشىندە قازىلار القاسىنىڭ ءتورايىمى, تەاترتانۋشى, ونەرتانۋ دوكتورى, پروفەسسور باقىت نۇرپەيىس, تەاترتانۋشى, ونەرتانۋ كانديداتى, پروفەسسور انار ەركەباي, تەاترتانۋشى, ونەرتانۋ كانديداتى, پروفەسسور, حالىقارالىق تەاتر سىنشىلارى بىرلەستىگىنىڭ مۇشەسى مەرۋەرت جاقسىلىقوۆا, تەاترتانۋشى, ونەرتانۋ ماگيسترى ايزات قادىراليەۆا, ونەرتانۋ ماگيسترى نازەركە جۇماباي بولدى.
فەستيۆالدىڭ جەڭىمپازدارى كەلەسى نوميناتسيالار بويىنشا انىقتالدى:
«ەكىنشى پلانداعى ۇزدىك ەر ادام ءرولى» نوميناتسياسى بويىنشا «ماعجان» سپەكتاكلىندەگى ەلتاي ءرولى ءۇشىن جانداۋلەت باتاي (اۆتورى: ا.ءنۇسىپ, رەجيسسەرى: D.Livermore, Ch.Ocello) تۇركىستان مۋزىكالىق دراما تەاترى. جۇلدە قورى – 500 000 تگ. «ەكىنشى پلانداعى ۇزدىك ايەل ءرولى» - «قورعانسىزدىڭ كۇنى» سپەكتاكلىندەگى عازيزانىڭ اجەسى انار بەيسەنبينا / نۇرمۇحان ءجانتورين اتىنداعى ماڭعىستاۋ وبلىستىق مۋزىكالىق دراما تەاترى/ جۇلدە قورى – 500 000 تگ. «ۇزدىك ايەل ءرولى» نوميناتسياسى بويىنشا - «№37» سپەكتاكلىندەگى زەينەپ ءرولى ءۇشىن - زارينا كارمەن /اۆتورى: ي.يمان ,رەجيسسەرى: ف.مولداعالي/ شام تەاترى. جۇلدە قورى – 750 000 تگ. «ۇزدىك ەر ادام ءرولى» نوميناتسياسى بويىنشا - «شال مەن تەڭىز» سپەكتاكلىندەگى سانتياگو ءرولى ءۇشىن باقىتجان قايۋوۆ. /الماتى قالاسىنىڭ «مەملەكەتتىك قۋىرشاق تەاترى/ جۇلدە قورى – 750 000 تگ. «ۇزدىك رەجيسسەرلىك شەشىم» - نوميناتسياسى «ۇجدان» سپەكتاكلى. (اۆتورى: ش.قۇدايبەردى ۇلى, رەجيسسەرى: ازامات نيگمانوۆ.) جۇسىپبەك ايماۋىتوۆ اتىنداعى پاۆلودار وبلىستىق قازاق مۋزىكالىق دراما تەاترى جۇلدە قورى – 1 500 000 تگ. «ۇزدىك ستسەنوگرافيالىق شەشىم» نوميناتسياسى «اتاۋ-كەرە» سپەكتاكلى. /ساكەن سەيفۋللين اتىنداعى قاراعاندى وبلىستىق اكادەميالىق قازاق دراما تەاترى/ جۇلدە قورى – 1 000 000 تگ. «ۇزدىك سپەكتاكل» - «بەرناردا البانىڭ ءۇيى» سپەكتاكلى. اۆتورى: (ف.گ. لوركا, رەجيسسەرى: د.جۇماباي.) عابيت مۇسىرەپوۆ اتىنداعى قازاق مەملەكەتتىك بالالار مەن جاسوسپىرىمدەر تەاترى جۇلدە قورى – 3 000 000 تگ. «تەمىربەك جۇرگەنوۆ اتىنداعى ارنايى سىيلىق» - «قارا شەكپەن» سپەكتاكلى /اۆتورى: گ. حۋگاەۆ, رەجيسسەرى: ە.كارىباەۆ/. بيكەن ريموۆا اتىنداعى تالدىقورعان دراما تەاترى. جۇلدە قورى – 1 000 000 تگ. سولتۇستىك قازاقستان وبلىسى اكىمدىگىنىڭ ارنايى سىيلىعى- «ماعجان» سپەكتاكلى. /اۆتورى: ا.ءنۇسىپ, رەجيسسەرى: D.Livermore, Ch.Ocello/. تۇركىستان مۋزىكالىق دراما تەاترى. جۇلدە قورى – 2 000 000 تگ. «قازىلار القاسىنىڭ ارنايى جۇلدەسى» - سەركە قوجامقۇلوۆ اتىنداعى جەزقازعان قازاق دراما تەاترىنىڭ «شاقان شەرى» (اۆتورى: م.ماعاۋين, رەجيسسەرى: م. حابيبۋللين) سپەكتاكلى. جۇلدە قورى – 500 000 تگ.فەستيۆالگە كورنەكتى تەاتر جانە كينو اكتەرى, «وتان» وردەنىنىڭ يەگەرى, قازاقستاننىڭ ەڭبەك ەرى ءاسانالى ءاشىموۆ باستاعان حالىق ارتيستەرى - تىلەكتەس مەيراموۆ, گۇلجان اسپەتوۆا, وبلىستىق تەاتر ترۋپپالارى, پەتروپاۆل تۇرعىندارى مەن قوناقتارى قاتىستى.
فەستيۆالدىڭ جوعارى دەڭگەيدە وتۋىنە اتسالىسقان سولتۇستىك قازاقستان وبلىسى اكىمدىگىنە, س.مۇقانوۆ اتىنداعى قازاق سازدى-دراما تەاترى مەن ن.پوگودين اتىنداعى ورىس دراما تەاترىنا العىس ايتىلدى.