حانچجوۋ قالاسىندا (قىتاي) ءحىح جازعى ازيا ويىندارىنا ەلىمىزدەن بارعان سپورتشىلاردىڭ اراسىنان سوڭعى بولىپ جارىس جولىنا شىققان ءمولدىر جاڭبىرباي كاراتەدەن كۇمىس مەدالدى مىسە تۇتتى, دەپ حابارلايدى Egemen.kz.
50 كەلى سالماق دارەجەسىندە سىنعا تۇسكەن جەرلەسىمىز جازعى ازيا ويىندارىنىڭ التىن مەدالى ءۇشىن تارتىستا تايپەيلىك شۋانگ گۋعا ەسە جىبەردى. ەسەپ 5:5 بولىپ تۇرىپ, تايپەيلىك سپورتشى سوڭعى سەكۋندتا شابۋىلدا سوققىسىن دارىتىپ ازيا ويىندارىنىڭ التىن مەدالىن يەلەندى.
جاستار اراسىندا ازيا چەمپيوناتىنىڭ ەكى دۇركىن جەڭىمپازى, توكيو جازعى وليمپياداسىنا قاتىسۋشى ءمولدىردىڭ بۇل ازيا ويىندارىنداعى العاشقى جۇلدەسى. «التىن مەدال ەنشىلەپ, ەلىمىزدىڭ كوك بايراعىن جەلبىرەتسەم دەپ ەدىم. ۇنەمى وسىلاي سوڭعى سەكۋندتا جەڭىس ۋىسىمنان سۋسىپ كەتەدى. ەندىگى ءىرى دودالاردا بارىمدى سالامىن», دەدى ءمولدىر جاڭبىرباي.