مەملەكەت باسشىسىنىڭ تاپسىرماسىن ورىنداۋ ماقساتىندا ەلوردادا 2029 جىلعا دەيىن 15 وقۋشىلار سارايىنىڭ قۇرىلىسى جوسپارلانعان. الداعى ەكى جىلدا 5 زاماناۋي وقۋشىلار سارايى ىسكە قوسىلادى. بۇل تۋرالى استانا قالاسىنىڭ كوممۋنيكاتسيالار قىزمەتىندە وتكەن بريفينگتە قالا اكىمىنىڭ ورىنباسارى ەسەت بايكەن مالىمدەدى, دەپ حابارلايدى Egemen.kz استانا اكىمدىگىنىڭ ءباسپاسوز قىزمەتىنە سىلتەمە جاساپ.
ەلوردادا بالالاردىڭ 79,9%-ى قوسىمشا بىلىممەن قامتىلدى, بۇل كورسەتكىش وتكەن جىلمەن سالىستىرعاندا 7%-عا ءوستى.
استانادا مەكتەپ وقۋشىلارىن تولىقتاي 2029 جىلعا دەيىن قوسىمشا ءبىلىم بەرۋمەن قامتاماسىز ەتۋ ءۇشىن 15 وقۋشىلار سارايىن سالۋ جوسپارلانىپ وتىر, ونىڭ بەسەۋى الداعى ەكى جىلدا سالىنباق.
سونىمەن قاتار ءبىلىم بەرۋ مەكەمەلەرىندە وقۋشىلار مەن ولاردىڭ اتا-انالارىنا جان-جاقتى پسيحولوگيالىق قولداۋ كورسەتىلەدى. بيىلعى وقۋ جىلىندا «وتباسىلىق باقىتتىڭ جىلۋى» اتتى جاڭا جوبا ەنگىزىلىپ جاتىر, ونىڭ اياسىندا ءار ايدىڭ سوڭعى سەنبىسىندە ءتۇرلى مامانداردىڭ (مەكتەپ اكىمشىلىگى, پمپك, قامقورشىلىق كەڭەس, زاڭگەرلەر, پسيحولوگتار, ءپان مۇعالىمدەرى, لوگوپەدتەر, دەنساۋلىق ساقتاۋ ماماندارى جانە ت.ب.) كونسۋلتاتيۆتىك كومەگىن ۇيىمداستىرۋ ماقساتىندا اتا-انالار ءۇشىن اشىق ەسىك كۇندەرى وتكىزىلەدى.
سونداي-اق قازان ايىندا ادىستەمەلىك ورتالىق بازاسىندا اتا-انالار مەن ءبىلىم الۋشىلارعا تەگىن پسيحولوگيالىق كونسۋلتاتسيالىق كومەك كورسەتۋ بويىنشا كابينەتتەر اشىلادى.