قىتاي قالاسى حانچجوۋدا ءوتىپ جاتقان XIX جازعى ازيا ويىندارىندا قازاقستان سپورتشىلارى جەرگىلىكتى جانكۇيەرلەردىڭ ىستىق ىقىلاسىنا بولەنىپ جاتىر, دەپ جازادى Egemen.kz.
تۋريزم جانە سپورت مينيسترلىگى ءباسپاسوز قىزمەتىنىڭ حابارلاۋىنشا ءبىزدىڭ قۇراماعا قىتايدا وقىپ جاتقان ستۋدەنتتەر, قانداستارمەن قاتار جەرگىلىكتى سپورت جانكۇيەرلەرى دە قولداۋ ءبىلدىرىپ وتىر.
«قازاقستان دزيۋدوشىلارىنىڭ بەلدەسۋلەرىن كوردىم. جاقسى ونەر كورسەتتى», دەيدى حانچجوۋ تۇرعىنى دەن يۋە.
سونداي-اق ازيادادا جۇرگەن ەرىكتىلەردىڭ اراسىندا قازاقستان سپورتشىلارىنا قولداۋ بىلدىرەتىندەر كوپ. ولاردىڭ كوبى ديماش قۇدايبەرگەننىڭ جانكۇيەرلەرى ەكەن. جاستاردان بولەك, الەمگە ايگىلى ءانشىنىڭ ونەرىن باعالايتىن ەرەسەكتەر دە وتانداس سپورتشىلارعا ىستىق ىقىلاس ءبىلدىرىپ جاتىر.
«يا مەن ول ءانشىنى (ديماشتى) بىلەمىن, كونتسەرتتە كوردىم, وتە كەرەمەت! قازاقستاننىڭ سپورتشىلارى مەن جانكۇيەرلەرىنە الىستان كەلىپ, ازياداعا قاتىسقاندارى ءۇشىن العىس بىلدىرەمىز. بۇل ءوز ەلىنە جانە سپورتقا دەگەن سۇيىسپەنشىلىكتىڭ دالەلى», دەيدى ازيا ويىندارىن تاماشالاۋعا بەيجىڭنەن كەلگەن ليۋ پەنچجان.