كاسىپكەرلەر زاڭدىق كومەككە ءزارۋ

كەزدەسۋ بارىسىندا يننوۆاتسيالىق دامۋ باعدارى, شاعىن نەمەسە ورتا بيزنەس ءورىسىن كەڭەيتۋ ماسەلەلەرى تالقىلاندى. 214 ادامدى جۇمىسپەن قامتىپ وتىرعان «CASPI Bitum» زاۋىتى جىلىنا 500 مىڭ توننا بيتۋم ءوندىرىپ, جىلىنا 1 ملن توننا مۇناي وڭدەيدى. 2021 جىلى توتىعۋ بلوگى جاڭعىرتىلدى, بۇل بيتۋم شىعىمدىلىعىن 50% - عا (+10%) دەيىن ارتتىرۋعا مۇمكىندىك بەردى.

– ماڭعىستاۋ وبلىسىنا ءىسساپاردىڭ ماق­ساتى – مەملەكەت باسشىسىنىڭ جولداۋى­نان تۋىنداعان كولىكتىك-لوگيستيكالىق ينفرا­قۇرىلىمدى دامىتۋ ماسەلەلەرىن تالقىلاۋ. ەلىمىزدە 95 مىڭ شاقىرىمعا جۋىق جول بولسا, ونىڭ 26 پايىزى رەسپۋبليكالىق دەڭگەيدە. ال قالعانى وبلىستىق جانە اۋداندىق دەڭگەيدەگى جولدار. الداعى ۋاقىتتا 4 مىڭ شاقىرىمعا دەيىنگى جولدى جوندەۋ جوسپارلانىپ وتىر. سون­داي-اق «Caspi Bitum» ماسەلەسى نازارعا الى­نا­تىن بولادى. سوعان وراي قازىر زاۋىت 500 مىڭ تونناعا جۋىق مۇناي شىعارسا, ال­داعى ەكى جىلدا ونىڭ كولەمىن 750 مىڭ تون­ناعا ارتتىرۋ كوزدەلگەن, – دەدى دەپۋتات الىبەك ناۋتيەۆ.

سەناتورلار ايالداعان ەكىنشى نۇكتە – اقتاۋ تەڭىز پورتى. پورت جىل 12 اي جانە تاۋ­لىگىنە 24 ساعات بويى قۇرعاق جۇكتەردى, شيكى مۇناي مەن مۇناي ونىمدەرىن تاسىمال­دايدى. «اقتاۋ تەڭىز پورتى» اەا» اق باس­قارما توراعاسى اسحات قاباشەۆتىڭ ايتۋىن­شا, باستى ماسەلەنىڭ ءبىرى – پورت اۋماعىن كەڭەيتۋ. جاڭاوزەن اۋماعىنان ارنايى جوبالاردى جۇزەگە اسىرۋ ءۇشىن 274 گەكتار جەر الۋ قاراستىرىلىپ جاتىر. سونىمەن بىرگە, سەناتورلار مۇنايلى اۋدانىنداعى قىزىلتوبە اۋىلىندا ورنالاسقان «Caspian Safety Group» تىگىن تسەحى جۇمىسىمەن تانىستى.

– جۇمىسىن 2022 جىلى باستاعان مەكەمەدە قازىرگى تاڭدا 50 جۇمىسشى قىزمەت ەتەدى. ارنايى جۇمىسشىلارعا شامامەن ايى­نا 2 مىڭ ءتۇرلى كيىم تىگىلەدى. ءبىزدىڭ كيىم­دەر كوبىنەسە, مۇناي كومپانيالارىنداعى قىز­مەت­كەرلەرگە ارنالعان, –دەدى «Caspian Safety Group» تىگىن تسەحىنىڭ باس ديرەكتورى ق.قۇداروۆ.

اقتاۋدا وڭىرلىك كاسىپكەرلەر پالاتاسىندا شاعىن جانە ورتا كاسىپكەرلىكتى دامىتۋ ماسەلەلەرى بويىنشا سەناتتىڭ ەكونو­ميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنىڭ كوشپەلى وتىرىسى ءوتتى. جيىنعا سەناتورلار, سالالىق كەڭەس مۇشەلەرى, بيزنەس وكىلدەرى مەن جەرگىلىكتى اكىمدىك قىزمەتكەرلەرى قاتىستى.

بيىلعى 1 مامىرداعى ەسەپ بويىنشا وڭىردە جۇمىس ىستەپ تۇرعان شوب سۋبەك­تىلەرىنىڭ سانى 82 مىڭعا جەتتى. بۇل وتكەن جىلدىڭ وسى كەزەڭىمەن سالىستىرعاندا 34%-عا وسكەنىن كورسەتەدى. شوب-تا جۇمىسپەن قامتىلعاندار سانى 155 مىڭ ادامدى قۇرادى, ونىڭ 45 مىڭى – ايەل. ماڭعىستاۋ وبلىسىندا جالپى سوماسى 2 ترلن-نان اساتىن 41 ين­ۆەستيتسيالىق جوبانىڭ پۋلى قۇرىلدى. 7 اي­دىڭ قورىتىندىسىمەن ماڭعىستاۋ سۋبسيديا­لاۋدان قولداۋ العان جوبالار بويىنشا 560 جوبامەن 1-ورىندا تۇر. وڭىرلىك كاسىپكەرلەر پالاتاسىنىڭ ديرەكتورى ر.مۇستاپاەۆتىڭ ايتۋىنشا, ۇكىمەت قابىلداعان جول كارتاسى اياسىندا وبلىس اكىمدىگى, «اتامەكەن» ۇكپ, «سامۇرىق-قازىنا» ۇاق» اق وكىلدەرى بىرلەسىپ ساتىپ الۋدى وقشاۋلاۋ بويىنشا بيزنەس-جوبالاردى الدىن الا ىرىكتەۋ ءۇشىن جۇمىس توبىن قۇردى. بۇل 700-دەن استام جۇمىسسىزدى ەڭبەككە ارالاستىرۋعا مۇمكىندىك بەردى.

بىلتىردان باستاپ ماڭعىستاۋ, جامبىل, قوستاناي جانە باتىس قازاقستان وبلىس­تارىندا قاناتقاقتى رەجىمدە ايەلدەر كاسىپكەرلىگىن دامىتۋ ورتالىعى اشىلدى. جوبا قورىتىندىسى بويىنشا ماڭعىستاۋ وبلىسى كوشباسشى بولىپ ايقىندالدى. ويتكەنى قۇرىق اۋىلى – ء«بىر اۋىل – ءبىر ءونىم» جوباسىن ىسكە اسىرعان جالعىز ءوڭىر.

– بۇگىنگى تاڭدا قۇرىقتا كيىزدەن كادەسىي دايىندايدى. حالىقارالىق ساراپشىلاردان وقىتۋدان وتكەن 40 ايەل جۇمىسقا ورنالاستى. العاشقى ءونىم – تۇيە كادەسىيلارى ەكسپورتقا شىعارىلۋ ءۇشىن بىشكەككە جىبەرىلدى. بولاشاقتا تاۋار اينالىمىن ودان ءارى ۇلعايتۋعا مۇمكىن­دىك بەرەدى. جوبا 2021-2023 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوباعا ەنگىزىلدى. بيىلدان باستاپ ء«بىر اۋىل – ءبىر ءونىم» «مەن – كاسىپكەرمىن» ۇلتتىق جوباسى قۇرالدارىنىڭ قۇرامىنا كىرەدى. وبلىس اكىمى ۇلتتىق جوبا شەڭبەرىندە مەملەكەتتىك گرانت رەتىندە 50 جوباعا جەرگىلىكتى بيۋدجەتتەن 250 ملن تەڭگە ءبولدى, – دەيدى ر.مۇستاپاەۆ.

جيىندا بيىل قاڭتار ايىندا تۇرىكمەن­ستانمەن شەكاراداعى «تەمىر بابا» بەكەتى ارقىلى حالىقارالىق تاسىمالداۋدى جۇزەگە اسىراتىن 200-دەن اسا جۇك تاسى­مال­داۋ­شى­نىڭ كۇردەلى ماسەلەسى دە كوتەرىلدى. ينۆەس­­تيتسيالار جانە دامۋ ءمينيسترىنىڭ بۇي­رى­عىمەن بەكىتىلگەن حالىقارالىق قاتىناس­تا تاسىمالداۋ جۇيەسىن قولدانۋ قۇقى­عى­نىڭ 48 جانە 51-تارماقتارىنىڭ زاڭ­دى كۇشىنە ەنۋىنە بيزنەس نارازىلىق ءبىلدىردى. پالاتانىڭ ارالاسۋىمەن بۇيرىقتىڭ ورىندالۋى 2024 جىلعى 1 قاڭتارىنا دەيىن شەگەرىلدى.

وڭىرلىك كاسىپكەرلەر پالاتاسى سەنات دەپۋتاتتارىنا 12 ءتۇرلى ۇسىنىس بەردى. ونىڭ ىشىندە بيزنەستىڭ دامۋىنا قاراما-قايشى كەلتىرەتىن زاڭدارعا وزگەرىس ەنگىزۋ دە بار.

ماڭعىستاۋ وبلىسى