استانادا 15-17 قىركۇيەك ارالىعىندا وتكەن كوميكستەر, كينەماتوگرافيا, بەينە ويىندار, انيمە جانە قازىرگى زامانعى تانىمال مادەنيەتتىڭ وزگە دە باعىتتارىنا ارنالعان حالىقارالىق Comic Con Astana فەستيۆالى اياقتالدى, دەپ حابارلايدى Egemen.kz.
Comic Con Astana فەستيۆالى قازاقستاندا ەكىنشى رەت ءوتتى. استانا دامۋ ورتالىعى قولداۋ بىلدىرگەن بۇل ءىس-شارا ەلوردانى تەك قانا رەسمي, ىسكەرلىك شارالار وتەتىن الاڭ عانا ەمەس, جاستارعا ارنالعان قىزىقتى مادەني وقيعالاردى تارتا الاتىن جاڭا ورتالىق رەتىندەگى مارتەبەسىن نىعايتۋدا ماڭىزدى قادامداردىڭ ءبىرى بولدى.
Comic Con Astana-نىڭ نەگىزگى وقيعالارىنىڭ ءبىرى جالپى جۇلدە قورى 10 000 000 تگ بولاتىن كاسىبي كوسپلەيەرلەر بايقاۋى بولدى. وعان الەمنىڭ 5-تەن استام ەلىنەن كەلگەن كوسپلەي كوماندالارى قاتىستى.
بايقاۋدىڭ گران-ءپريى 3,5 ملن تەڭگەنى RaidShadowLegends-تەگى حاريما كەيىپكەرىنىڭ كوسپلەيى ءۇشىن كەللەر نيكنەيمى بار 23 جاستاعى كوسپلەيشى الدى. ءبىرىنشى ورىن ءۇشىن 1,6 ملن تەڭگە جۇلدەنى Diablo-داعى Lilith كەيىپكەرىن بەينەلەگەنى ءۇشىن Isabelka نيكنەيمى بار 28 جاستاعى ستۋدەنت كوسپلەيەر الدى. ەكىنشى ورىن جانە 1 ملن تەڭگەنى God of War Ragnarok-تاعى ۆالكيريا پاتشايىمى فرەيا كەيىپكەرى ءۇشىن 29 جاستاعى الماتىلىق تايس تۋكانوۆا جەڭىپ الدى. ءۇشىنشى ورىن جانە 700 مىڭ تەڭگەنى Horizon: Forbiddenwest-تەگى ەلوي بەينەسىن بەينەلەگەنى ءۇشىن الماتىدان كەلگەن 20 جاستاعى كوركەمسۋرەت مەكتەبىنىڭ مۇعالىمى Reddisson دەگەن نيكنەيمى بار كوسپلەيەر قىز الدى. سونداي-اق قازىلار القاسى تەحنيكالىق جاعىنان ەڭ كۇردەلى, ەڭ ەگجەي-تەگجەيلى تىگىلگەن كوستيۋم, ۇزدىك قويىلىم جانە ت.ب. نوميناتسيالار بويىنشا سىيلىقتار بەردى.