ونەرلى شاڭىراق جولى

ءبىر سوزبەن ايتقاندا, وتباسى – بارلىق ءرولى ءبولىنىپ قويىلعان قوعامنىڭ شاعىن مودەلى, ءار­بىر ءرولدىڭ شەبەر ورىندالۋى­نا «وتباسىلىق سيۋجەتتىڭ» دامۋىن ۇنەمى بايقاپ جۇرەتىن كىش­كەنتاي عانا ادام ءومىرى بايلانىستى. دانا حالقىمىز «وتان – وتباسىنان باستالادى» دەپ بە­كەر ايتپاعان. وتباسىنىڭ قامقورشىسى مەن تىرەۋى – ەر ازاماتى, شاڭىراعىنىڭ شىرايىن كەلتىرىپ, ىرىسىن ەسەلەپ, ىن­تى­ماعىن قامتاماسىز ەتەتىن – ادال جارى.

وسى تۇستا كىتاپحانامىزدا وتباسى كۇنىنە وراي «وتباسى – ۇلت رۋحىنىڭ ايناسى» تاقى­رىبىندا ونەرلى وتباسى دۋلات, ريتا ايتجانوۆتارمەن كەزدەسۋ كەشى ءوتتى. شاڭىراقتى ان­مەن اۋەلەتىپ, ومىردە دە, ونەر جولىندا دا بىرگە جۇرگەن ونەر­لى جۇپتىڭ شىعارماشىلىق جاڭالىقتارىمەن باستاۋ العان سۇحبات وتباسىلىق قۇندىلىقتار تۋرالى ورەلى اڭگىمەگە ۇلاستى.

كەزدەسۋدەگى ماقسات – ونەگەلى وتباسىن جاستارعا ۇلگى ەتۋ, جاس ۇرپاقتى جاقسىلىققا, ەڭبەك­قورلىققا, ادالدىققا تاربيەلەۋ, اتا-اناعا دەگەن قۇرمەتىن ارت­تىرۋعا ۇلەس قوسۋ. جانۇيالىق دۋەت اسەم اندەرىمەن جينالعان جاس­تارعا كوتەرىڭكى كوڭىل-كۇي سىيلادى. كەزدەسۋ كەشىنە №36 مەك­تەپ وقۋشىلار جانە اقتوبە گۋمانيتارلىق كوللەدجىنىڭ ستۋ­دەنتتەرى قاتىستى. ونەرلى جۇپ قويعان ساۋالدارعا اقتارىلا جا­ۋاپ بەردى. سونىمەن بىرگە ارنايى ۇيىمداستىرىلعان ويىندارمەن ورتانى قىزدىردى.

كەزدەسۋ كەشى سوڭىندا س.جيەن­­­باەۆ اتىنداعى وبلىستىق جاسوس­پىرىمدەر كىتاپحاناسى ديرەك­تو­رىنىڭ مىندەتىن اتقارۋشى ال­تىن­گۇل اسقارقىزى ءسوز سوي­لەپ, ولارعا شىعار­ماشىلىق تا­بىستار تىلەپ, وت­باسى كۇنى مەرەكەسىمەن ارنايى قۇت­­تىق­­تاپ, قوناقتارىمىزعا ارنال­عان سىي-سياپاتتارىن تارتۋ ەتتى.

قورىتىندىلاي كەلە, وتباسى ادامدىق قۇندىلىقتاردىڭ, مادەنيەت, ادامگەرشىلىكتىڭ قور­عاۋشىسى, ۇرپاقتاردىڭ تاريحي ساباقتاستىعى, قوعامداعى تۇ­راقتىلىقتىڭ فاكتورى بولا بەرمەك دەمەكپىز.

تولعاناي ومىرجانقىزى,

س.جيەنباەۆ اتىنداعى وبلىستىق جاسوسپىرىمدەر كىتاپحاناسىنىڭ قىزمەتكەرى

اقتوبە وبلىسى