ەگەر ءسىز نارەستەلى بولۋدى قالاعانىڭىزبەن, قانت ديابەتىنە دۋشار بولساڭىز, وسىعان قاراماستان ومىرگە ساۋ بالا اكەلە الاسىز. الايدا, كەيبىر دەرتتەردىڭ اسقىنۋ ىقتيمالدىعى بار ەكەندىگىن ءبىلۋىڭىز كەرەك. وسى ماسەلەگە وراي ماماندار تومەندەگىدەي كەڭەس بەرەدى.
ەگەر سىزگە 1 نەمەسە 2 ءتيپتى قانت ديابەتى دياگنوزى قويىلسا, قاۋىپ جوعارى بولۋى مۇمكىن: ءىرى نارەستە قيىن بوسانۋ بارىسىن اۋىرلاتىپ, تولعاق شاقىرۋ, ياكي كەسار تىلىگىن جاساۋ قاجەت بولادى, ءتىپتى پاتسيەنتتىڭ تۇسىك تاستاۋى دا مۇمكىن.
قانت ديابەتىمەن اۋىراتىن ايەلدەردە جۇكتى بولسا دا, بولماسا دا كوز, بۇيرەك كەسەلدەرىنىڭ دامۋ قاۋپى بار (ديابەتتىك رەتينوپاتيا, نەفروپاتيا). جۇكتىلىك ولاردىڭ دامۋ قاۋپىن ارتتىرىپ, اعزاداعى كىناراتتاردى كۇشەيتە ءتۇسۋى مۇمكىن.
ەگەر سىزدە 1 نەمەسە 2 ءتيپتى قانت ديابەتى بولسا, بالاڭىزعا قاۋىپ ءتونۋى مۇمكىن, بۇل:
تۋىلعاننان كەيىنگى جۇرەك جانە تىنىس الۋ پروبلەمالارى, كەيىنىرەك سەمىزدىك نەمەسە قانت ديابەتىنىڭ دامۋى, بالا تۋا بىتكەن دەنساۋلىق كىناراتىنا, اتاپ ايتقاندا جۇرەك پەن جۇيكە جۇيەسىنىڭ اۋىتقۋلارىمەن تۋىلۋى مۇمكىن, ءولى تۋىلۋى نەمەسە تۋىلعاننان كەيىن كوپ ۇزاماي شەتىنەۋى مۇمكىن.جۇكتىلىككە دەيىن جانە جۇكتىلىك كەزىندە قانت ديابەتىن دۇرىس باسقارۋ بۇل قاۋىپتەردى ازايتۋعا كومەكتەسەدى.
قانت ديابەتىمەن اۋىراتىن ايەلدەردە شالا تۋىلعان نارەستەلەردى تۋ ىقتيمالدىعى 5 ەسە جوعارى.
«جۇكتىلىكتى جوسپارلاۋ كەرەك. جۇكتىلىك الدىندا, جۇكتىلىكتى جوسپارلاۋ جونىندە ەندوكرينولوگ دارىگەردەن كەڭەس الۋ قاجەت. 3 ايدا 1 رەت گليكيرلەنگەن گەموبلوبينگە تەست تاپسىرۋ كەرەك. ەگەر 6,5%-دان دەڭگەيدى تومەن تۇسىرە الماساڭىز, سىزگە جانە ءسىزدىڭ بالاڭىزعا اسقىنۋ قاۋپىن ازايتۋ ءۇشىن ونى مۇمكىندىگىنشە جاقىنداتۋعا تىرىسىڭىز. ەگەر ونىڭ دەڭگەيى 10%-دان جوعارى بولسا, ول نىسانالى ماندەرگە جاقىنداعانشا جۇكتى بولۋعا تىرىسپاۋعا كەڭەس بەرەمىز», - دەيدى كارديولوگيا جانە ىشكى اۋرۋلار عزي №1 تەراپيا بولىمشەسىنىڭ ەندوكرينولوگ دارىگەرى بالنۇر سۇلتانوۆا.
ەگەر پاتسيەنتتە قانت ديابەتى بولسا جانە جۇكتى بولعىڭىز كەلسە, كۇنىنە 5 مگ فولي قىشقىلىن قابىلداۋ كەرەك (جۇكتىلىكتىڭ 12 اپتاسىنا دەيىن). فولي قىشقىلىن قابىلداۋ بالانىڭ ومىرتقاسىنىڭ ىدىراۋى جانە ديابەتتىك فەتوپاتيا سياقتى تۋا بىتكەن اقاۋلاردىڭ دامۋىن بولدىرماۋعا كومەكتەسەدى. ەگەر قانت ديابەتىن باقىلاۋ ءۇشىن دارىلەر قابىلداساڭىز, ينسۋلين ينەكتسياسىنا اۋىسۋىڭىز كەرەك.
جۇكتىلىك كەزىندە قانداعى گليۋكوزانى ءجيى باقىلاعان ءجون, ويتكەنى جۇكتىلىك كەزىندە جۇرەك اينۋى, قۇسۋ ونىڭ دەڭگەيىنە اسەر ەتۋى مۇمكىن. دارىگەر نەمەسە اكۋشەر بۇل تۋرالى كەڭەس بەرە الادى.
جۇكتىلىك كەزىندە ديابەتتىك رەتينوپاتيا بەلگىلەرىن انىقتاۋ ءۇشىن كوزدى ۇنەمى تەكسەرۋ قاجەت. ەگەر ول ەرتە انىقتالسا, ونى ەمدەۋگە بولادى. تسيكلوسكوپيا جاساۋ كەرەك.
ەگەر سىزدە قانت ديابەتى بولسا, كونسۋلتانتتىڭ باسشىلىعىمەن بوسانۋ ۇسىنىلادى. دارىگەرلەر بوسانۋدى ەرتە باستاۋدى ۇسىنۋى مۇمكىن.
جۇكتىلىكتەن كەيىن قانداعى گليۋكوزانى باقىلاۋ ءۇشىن كوپ ينسۋلين قاجەت ەمەس. ينسۋلين دوزاسىن جۇكتىلىككە دەيىنگى دوزاعا دەيىن تومەندەتۋىڭىز كەرەك نەمەسە جۇكتىلىككە دەيىن قابىلداعان دارىلەرگە قايتىپ ورالۋىڭىز كەرەك. بۇل تۋرالى ەندوكرينولوگپەن كەڭەسىپ سويلەسۋ قاجەت.