شىعىس قازاقستان وبلىسىنىڭ ورمان القابىندا نەمەرەلەرىمەن بىرگە ساڭىراۋقۇلاق تەرۋگە بارعان 83 جاستاعى اجە حابار-وشارسىز كەتكەن ەدى, دەپ حابارلايدى Egemen.kz شقو پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
سامار اۋداندىق پوليتسيا بولىمىنە قىز بالا حابارلاسىپ, 83 جاستاعى اجەسىنەن ورماندا ءجۇرىپ كوز جازىپ قالعانىن ايتقان. تۋىستارىنا ىلەسىپ, ورمانعا ساڭىراۋقۇلاق تەرۋگە بارعان اجەي ءاپ-ساتتە كوزدەن تاسالانىپ, اداسىپ كەتكەن. وزدەرى ىزدەپ تاپپاعان سوڭ تۋىستارى پوليتسيادان جاردەم سۇرادى.
ء«تارتىپ ساقشىلارى ءىس-قيمىل جوسپارىن قۇرىپ, ورمان القابىندا ىزدەستىرۋ جۇمىستارىنا كىرىستى. سونىڭ ناتيجەسىندە, ءبىر ساعات ىشىندە زەينەتكەر امان-ەسەن تابىلدى. نەمەرەسى اجەسىن تاپقان پوليتسەيلەرگە شىن جۇرەكتەن العىس ءبىلدىردى», دەدى وبلىستىق پوليتسيا دەپارتامەنتىنىڭ قىزمەتكەرلەرى.