سەنات ماقۇلداعان جاڭا زاڭ مەملەكەتتىك قىزمەتشىلەردىڭ الەۋمەتتىك كەپىلدىكتەرىن كەڭەيتۋدى كوزدەيدى. قۇجاتقا سايكەس, مەملەكەت قىزمەتكەرلەردىڭ جالاقىسىن كەمىندە ءۇش جىلدا ءبىر رەت يندەكساتسيالاپ وتىرادى, دەپ جازادى Egemen.kz.
قىزمەتكەرلەر باسقا وڭىرگە اۋىسقان جاعدايدا تۇرعىن ءۇي تولەمدەرى بەرىلەدى, جەڭىلدەتىلگەن يپوتەكالىق باعدارلامالارعا قول جەتكىزۋ مۇمكىندىگى ۇسىنىلادى, سونداي-اق بالالارىن بالاباقشاعا كەزەكتەن تىس ورنالاستىرۋ قۇقىعى قاراستىرىلعان. ال ەڭبەك ءوتىلى 25 جىلدان اسقان جانە ماراپاتتارى بار قىزمەت ارداگەرلەرىنە زەينەتكە شىققاندا بىرجولعى تولەم بەرۋ كوزدەلگەن.
قۇجاتتىڭ جەكە ءبىر ءبولىمى ەڭبەك جاعدايلارىن رەتتەۋگە ارنالعان. زاڭدا 40 ساعاتتىق جۇمىس اپتاسى بەكىتىلسە, I جانە II توپتاعى مۇگەدەكتىگى بار ازاماتتار ءۇشىن ول 36 ساعاتقا دەيىن قىسقارتىلادى. كەيبىر جاعدايلاردا جۇمىس بەرۋشىلەر تولىق ەمەس جۇمىس كۇنىن بەلگىلەۋگە قۇقىلى. سونىمەن قاتار جاڭا نورمالار ارتىق جۇمىس ۋاقىتى ءۇشىن وتەماقى تولەۋدى جانە ەڭبەك وتىلىنە بايلانىستى قوسىمشا دەمالىس كۇندەرىن بەرۋدى ۇسىنادى. قىزمەت بابىمەن باسقا قالاعا كوشكەن كەزدە مەملەكەت تۇرعىن ءۇي جالداۋ مەن جەكە م ۇلىكتى تاسىمالداۋ شىعىندارىن تولىق وتەيدى.
پاۆلوداردا مەملەكەتتىك قىزمەتكەر جەلىدە تابىس تاپقانى ءۇشىن جۇمىستان قۋىلدى
نەگىزگى جاڭاشىلدىقتار قاتارىندا:
مەملەكەتتىك قىزمەتشىلەرگە ازاماتتارعا فورمالدى سەبەپتەرمەن قىزمەت كورسەتۋدەن باس تارتۋعا تىيىم سالىنادى; تارتىپتىك كوميسسيالار جازالاۋ كەزىندە جەڭىلدەتەتىن ءمان-جايلاردى ەسكەرەتىن بولادى, ال تارتىپتىك جازا مەرزىمى ەكى ايدان التى ايعا دەيىن بەلگىلەنىپ, ونى مەرزىمىنەن بۇرىن الىپ تاستاۋ مۇمكىندىگى قاراستىرىلادى; eQyzmet جۇيەسى كادرلاردى ىرىكتەۋ پروتسەسىن تولىق تسيفرلاندىرادى, ال تالىمگەرلىك ينستيتۋتى جاس مامانداردىڭ بەيىمدەلۋىن جەدەلدەتەدى; ادەپ جونىندەگى ۋاكىلدەردىڭ وكىلەتتىگى كەڭەيتىلىپ, قىزمەتكەرلەردىڭ قۇقىقتارىن قورعاۋ جانە ولاردىڭ شاعىمدارىن قاراۋ تەتىكتەرى كۇشەيتىلەدى; ماماندار بوس لاۋازىمداردى ءبىر جىلعا دەيىن كونكۋرسسىز ۋاقىتشا اتقارا الادى, بۇل كەزەڭ جالپى ەڭبەك وتىلىنە ەسەپتەلەدى; زاڭ جالاقىدان الدىن الا تولەنگەن قاراجاتتى قايتارۋ ءۇشىن ۇستاپ قالۋ ءتارتىبىن رەتتەيدى, ەڭبەك دەمالىسىنان كەرى شاقىرۋ ەرەجەلەرىن ايقىندايدى جانە جۇمىستان بوساتۋعا نەگىز بولاتىن ءتارتىپ بۇزۋشىلىقتار تىزبەسىن بەكىتەدى.وسكەمەندە مەملەكەتتىك قىزمەتكەرلەر قارجى جىمقىرعان
تۇزەتۋلەر بىردەن 18 زاڭنامالىق اكتىنى, سونىڭ ىشىندە ەلىمىزدىڭ ەڭبەك كودەكسى مەن سىبايلاس جەمقورلىققا قارسى ءىس-قيمىل تۋرالى زاڭدى قامتيدى.
زاڭ شىعارۋشىلار مەديتسينا سالاسىنا دا ەرەكشە نازار اۋدارعان. جاۋاپكەرشىلىگى جوعارى لاۋازىمدار ءۇشىن ەسىرتكى قولدانۋ فاكتىسىنە مىندەتتى تەستىلەۋ ەنگىزىلەدى, ال باسشىلار مۇنداي تەكسەرىستەن جىل سايىن ءوتىپ تۇرادى.
داۋىس بەرۋ قورىتىندىسى بويىنشا سەنات زاڭدى پرەزيدەنتتىڭ قول قويۋىنا جولدادى.