اقمولا وبلىسى ماكينسك قالاسىندا 7 جاستاعى بالا ءيتتى سيپاماق بولعان ساتتە توبەت بالاعا تاپ بەرىپ, بەتىنەن تىستەپ العان, دەپ جازادى Egemen.kz.
بالانى ءيتتىڭ شابۋىلىنان سول ساتتە مەكتەپتەن قايتىپ كەلە جاتقان اعاسى اراشالاپ العان.
سودان كەيىن زارداپ شەككەن بالا اۋرۋحاناعا جەتكىزىلگەن. دارىگەرلەر ونىڭ مۇرىن, ەرىن جانە ماڭداي تۇسىنداعى جاراقاتتارىن ەمدەپ, قۇتىرماعا قارسى پروفيلاكتيكالىق شارا جۇرگىزگەن. قازىر بالا ەم قابىلداپ جاتىر, ماماندار ءبىرىنشى سىنىپ وقۋشىسىنىڭ قاتتى قورقىپ قالعانىن دا اتاپ ءوتتى.
اۋىل تۇرعىندارى وسى اۋلانىڭ وزىندە بۇعان دەيىن باسقا ءبىر يت اعاسىن دا قاپقانىن جەتكىزگەن.
ايتا كەتەيىك, بۇگىن سەنات رەزونانس تۋدىرعان جانۋارلارعا قاتىستى زاڭدى ماجىلىسكە قايتاردى.