ۇلتتىق بانك ءتول ۆاليۋتامىزدىڭ شەتەلدىك اقشا بىرلىكتەرىنە قاتىستى رەسمي باعامىن بەلگىلەۋ قاعيدالارىنا وزگەرىستەر ەنگىزۋدى جوسپارلاپ وتىر, دەپ حابارلايدى Egemen.kz.
وسىعان بايلانىستى باسقارمانىڭ قاۋلى جوباسى ازىرلەندى. قۇجات شەتەل ۆاليۋتالارى ءتىزىمىن كەڭەيتۋگە باعىتتالعان. جوبا اياسىندا رەسمي باعام بەلگىلەنەتىن شەتەل ۆاليۋتالارىنىڭ ءتىزىمىن 39-دان 48-گە دەيىن ۇلعايتۋ كوزدەلىپ وتىر.
اتاپ ايتقاندا, تىزىمگە ۆەتنام, مىسىر, يزرايل, يندونەزيا, قاتار, موڭعوليا, ومان, پاكىستان جانە رۋمىنيانىڭ ۇلتتىق ۆاليۋتالارىن قوسۋ ۇسىنىلعان.
مەملەكەت باسشىسىنا قازاقستانداعى العاشقى كريپتوۆاليۋتامەن تولەۋ ءۇردىسى كورسەتىلدى
ۇلتتىق بانكتىڭ مالىمەتىنشە, بۇل شەشىم سوڭعى بەس جىلداعى سىرتقى ساۋدا اينالىمى, تولەمدەر قۇرىلىمى جانە ۆاليۋتاعا دەگەن سۇرانىسقا جۇرگىزىلگەن تالداۋ ناتيجەسىندە قابىلدانعان. سونىمەن قاتار جەكە جانە زاڭدى تۇلعالاردىڭ رەسمي باعامعا قاتىستى وتىنىمدەرى دە ەسكەرىلگەن.
نۇربولات امانبەك