قازاقستان سينوپتيكتەرى 2023 جىلدىڭ 2-4 قىركۇيەك كۇندەرىنە ارنالعان اۋا رايى بولجامىن ۇسىندى, دەپ حابارلايدى Egemen.kz.
«قازگيدرومەت» رمك دەرەگىنە سايكەس, اۋقىمدى جانە بەلسەندى ەمەس تسيكلون قازاقستاندا ءالى دە ساقتالادى. الداعى كۇندەرى ەلىمىزدىڭ باسىم بولىگىندە بۇلتتى, جاۋىن-شاشىندى جانە سۋىق اۋا رايى ساقتالادى.
«ەلدىڭ سولتۇستىگىندە, شىعىسىندا كەي جەرلەردە قاتتى جاڭبىر جاۋادى, جەتىسۋ, الماتى وبلىستارىنىڭ تاۋلى ايماقتارىندا جاۋىن-شاشىن, كەي جەرلەردە جاڭبىر مەن كوكتايعاق تۇرىندەگى قاتتى جاۋىن-شاشىن, نايزاعاي ويناپ, بۇرشاق جاۋى مۇمكىن. بۇل ايماقتاردا اۋا تەمپەراتۋراسى تۇندە 5-12, كۇندىز 13-20, تاۋلى ايماقتاردا تۇندە 0-5 جىلى بولادى», دەدى سينوپتيكتەر.
تەك قازاقستاننىڭ باتىسىندا عانا اۋا رايى سالىستىرمالى تۇردە قولايلى بولىپ, جاۋىن-شاشىنسىز اشىق اۋا رايى ساقتالادى. ەلدىڭ سولتۇستىك-باتىسىندا جانە سولتۇستىگىندە تۇندە جانە تاڭەرتەڭ تۇمان كۇتىلەدى.