بيىل ەلىمىزدەگى بانكتەردىڭ ونلاين قىزمەتتەرىن بەلسەندى پايدالانۋشىلار سانى 20,7 ملن-عا جەتكەن. بىلتىرعى سايكەس كەزەڭمەن سالىستىرعاندا, 0,5%-عا كوبەيگەن كورىنەدى. ال بۇدان ەكى جىل بۇرىنعىعا قاراعاندا, ونلاين-بانكينگتى قولدانۋشىلار ءوسىمى ايتارلىقتاي ارتىپ 25,5%-دى قۇراعان. بۇل رەتتە بىزدەگى بانك سەكتورىن تسيفرلاندىرۋ جانە ونلاين-بانكينگتى دامىتۋ ەل ەكونوميكاسىنىڭ تۇگەلگە جۋىق وزگە سالاسى مەن سەكتورلارى ءۇشىن ءتيىمدى تسيفرلىق ترانسفورماتسيانىڭ ۇلگىسى ەكەنىن ايتىپ وتكەن ءجون.
ەلدەگى ەدب از ۋاقىت ىشىندە ءموبيلدى قوسىمشالار ارقىلى اۋقىمدى ەكوجۇيەنى قالىپتاستىردى دەپ اتاۋعا بولادى. حالىققا ارنالعان ءموبيلدى قوسىمشالاردان باسقا, بيزنەسكە ارنالعان ونلاين-بانكينگتى بەلسەندى تۇردە دامىتىپ ەنگىزىپ جاتىر. ايتالىق, ەلىمىزدەگى 10 ءىرى بانكتىڭ جەتەۋىندە كاسىپكەرلەردىڭ قاجەتتىلىگىنە قاراي ارنايى جاسالعان جەكە ءموبيلدى قوسىمشالار بار. ال اتالعان سالانىڭ دامۋىنا سەرپىن بەرگەن نەگىزگى ەدب-نىڭ ءبىرى – ForteBank. بۇل بانكتەگى ForteBusiness ءموبيلدى قوسىمشاسىنىڭ كومەگىمەن كاسىپكەرلەر ءتۇرلى ونلاين قىزمەتتەرگە, ماسەلەن بيۋدجەتكە تولەمدەر جاساۋ, الەۋمەتتىك تولەم, زەينەتاقى, ءمامس, سالىق, تاۋارلار مەن قىزمەت تۇرلەرىنە, جۇمىس اقىسىن تولەۋ, قىزمەتكەرلەردىڭ كارتالارىنا ەڭبەكاقى اۋدارۋ, اعىمداعى شوتتاردى, ونىڭ ىشىندە جيناق شوتتارىنداعى اقشا قالدىقتارى مەن قوزعالىسىن تولىق باقىلاپ, شەتەل ۆاليۋتاسىن ساتىپ الۋ جانە ساتۋ, سونىمەن قاتار شەتەل ۆاليۋتاسىندا اقشا اۋدارىپ, ءبىر ۆاليۋتادا ءوز شوتتارى اراسىندا ىشكى اۋدارىمدارعا قول جەتكىزە الادى.
ەلىمىزدە بيزنەسكە ارنالعان ءموبيلدى بانكينگتىڭ دامۋىن ءىرى حالىقارالىق اگەنتتىكتەردىڭ ءبىرى SME Banking Agency اقپاراتتىق-تالداۋ جۇرگىزىپ, وندا شىعىس ەۋروپا, كاۆكاز جانە ورتالىق ازيا ەلدەرىندەگى بيزنەسكە ارنالعان ءموبيلدى بانكينگتى زەرتتەگەن. رەيتينگ بويىنشا العاشقى ورىندا ForteBank ايماقتاعى ەڭ ۇزدىك ءموبيلدى بانك بولسا, ودان كەيىنگى ورىنداردى Halyk Bank پەن Jusan Bank يەلەنگەن. ال ۇزدىك بەستىككە ۋكرايناداعى پريۆاتبانك پەن گرۋزياداعى Bank of Georgia ەنگەن.
جالپى, SME Banking Agency تالداۋشىلارى كەمىندە 10 مىڭ رەت جۇكتەپ الىنعان جانە جوق دەگەندە 3,5 بالل جيناعان (GooglePlay جانە AppStore بويىنشا ورتاشا كورسەتكىش) قوسىمشالاردى قاراستىرىپ, قورىتىندىلاي كەلە ساراپتامانىڭ شورت-پاراعىنا 6 ەلدەن 25 ءموبيلدى بانك قاتىسقان. ءار قوسىمشا 110 كريتەري بويىنشا باعالانعان ەكەن.
سونىمەن قاتار بيزنەسكە ارنالعان ءموبيلدى بانكينگتىڭ كاسىپكەرلەر ءۇشىن دە بىرقاتار ماڭىزدى ارتىقشىلىقتارى بار.
ۋاقىتتى ۇنەمدەۋدە بانك فيليالىنا بارماي-اق, ونلاين قىزمەت كورسەتۋ ەدب تۇتىنۋشىلارىنىڭ سۇرانىستارىن جەدەلدەتىپ, تولەمدەر مەن اۋدارىمداردىڭ وندەۋ قۇنى ارزان ءارى ءموبيلدى قوسىمشالاردى اپتاسىنا 7 كۇن تاۋلىك بويى پايدالانۋ قاراستىرىلعان. بارلىق بانك قوسىمشاسى بارىنشا قورعالىپ, كليەنتتەر ءۇشىن قاۋىپسىز ەكەنىن ايتۋعا بولادى.