شاكىرتاقى وسەدى

2022-2023 وقۋ جىلىنداعى دەرەكتەرگە سايكەس, ەلىمىزدە جوعارى جانە جوعارى وقۋ ورىندارىنان كەيىنگى 116 ءبىلىم بەرۋ ۇيىمى بار. ونىڭ 105-ءى – ماگيسترانتتاردى, 73-ءى – دوكتورانتتاردى, 18-ءى رەزي­دەنتتەردى دايارلايدى. اتالعان ءبىلىم بەرۋ ۇيىمدارىنىڭ 72,4 پايىزى – جەكە­مەنشىك, 25,9 پايىزى – مەملەكەتتىك, 1,7 پايىزى – شەتەلدىك مەنشىكتە. ەل بويىن­شا 578,2 مىڭ ستۋدەنت بار. ولاردىڭ 213,4 مىڭى نەمەسە 36,9 پايىزى مەملەكەت بولگەن گرانتپەن وقيدى. ال ماگيس­ترانتتار سانى – 35,7 مىڭ, دوكتورانتتار سانى – 6,2 مىڭ. ماگيسترانتتاردىڭ 19,1 مىڭى نەمەسە 53,7 پايىزى مەملەكەت تاپسىرىسىمەن دايارلانىپ جاتىر.

جىل سايىن گرانتتار سانى كەمىندە بەس مىڭعا ارتىپ وتىرادى. 2023-2024 وقۋ جىلىنا 88 مىڭ ءبىلىم گرانتى بولىنگەن. عىلىم جانە جوعارى ءبىلىم مينيسترلىگىنىڭ مالىمەتىنشە, گرانت­تاردىڭ كوبى – 18 744 گرانت «ين­جەنەر­لىك وڭدەۋ, قۇرىلىس سالالارى» ءبىلىم بەرۋ باعدارلامالارىنا بەرىل­گەن. ال «پەداگوگيكالىق عىلىمدارعا» – 12 560 گرانت, «اقپاراتتىق-كوممۋ­نيكا­تسيا­لىق تەحنولوگيالار» سالاسىنا – 10 103 گرانت, «جاراتىلىستانۋ عىلىمدارى, ماتەماتيكا جانە ستاتيستيكا» باعىتىنا 7 388 گرانت بولىنگەن. جالپى, مەملەكەت تاراپىنان 73 مىڭنان استام باكالاۆر, 13 مىڭنان استام ماگيستر, 1800-دەن استام دوكتورونت دايارلاۋعا تاپسىرىس بەرىلگەن.

مەملەكەت باسشىسى قاسىم-جومارت توقاەۆتىڭ تاپسىرماسىمەن بيىل باكالاۆر دارەجەسىندەگى ستۋدەنتتەردىڭ شاكىرتاقىسى 20 پايىزعا, ماگيسترانتتار مەن دوكتورانتتاردىڭ شاكىرتاقى­سى 15 پايىزعا, تەحنيكالىق جانە كاسىپ­تىك ءبىلىم بەرۋ ۇيىمدارىندا وقيتىن ستۋدەنتتەردىڭ شاكىرتاقىسى 50 پايىزعا دەيىن وسەدى.

سوعان سايكەس پەداگوگيكالىق دا­يىن­­دىق باعىتتارى مەن «دەنساۋلىق ساق­تاۋ» باعىتى بويىنشا وقيتىن ستۋ­دەنت­تەردى قوسپاعاندا, جوعارى وقۋ ورىن­­دا­رىندا وقيتىن ستۋدەنتتەردىڭ شا­كىرت­اقىسى 36 660 تەڭگەدەن 41 898 تەڭ­گەگە, جوعارى وقۋ ورىندارىندا پەدا­­گو­گيكالىق جانە «دەنساۋلىق ساق­تاۋ» با­عىت­تارى بو­يىنشا وقيتىن ستۋ­­دەنت­تەردىكى 58 800 تەڭ­­گەدەن 67 200 تەڭگەگە, ينتەرندەردىڭ شاكىر­تاقىسى 66 403 تەڭگەدەن 75 890 تەڭ­گەگە, ماگيسترانتتاردىكى 86 987 تەڭگەدەن 97 024 تەڭگەگە, نازار­باەۆ ۋنيۆەرسيتەتىندە وقيتىن ماگيسترانت­تاردىڭ شاكىرت­اقىسى 162 500 تەڭگەدەن 181 250 تەڭگەگە, دوك­تورانتتاردىڭ شاكىرت­اقىسى 195 000 تەڭگەدەن 217 500 تەڭگەگە, «دەنساۋلىق ساقتاۋ» دايارلاۋ باعىتى بويىنشا رەزيدەنت دارىگەر­لەر مەن ماگيسترانتتاردىڭ شاكىرتاقسى 100 036 تەڭگەدەن 111 579 تەڭگەگە وسەدى.

ال جوعارعى سوت جانىنداعى مەملە­كەتتىك ورگانداردان وقۋعا جىبە­رىلگەن سوت تورەلىگى اكادەمياسىنىڭ ماگيسترانت­تارىنىڭ شاكىرتاقىسى كەيىن­گى جۇمىس ورنىنداعى جالاقى دەڭگە­يىندە, بىراق مەملەكەتتىك ءبىلىم بەرۋ تاپ­سىرىسى بويىنشا وقيتىن ماگيسترانت­تار ءۇشىن بەلگىلەنگەن مەملە­كەتتىك ستيپەنديادان تومەن ەمەس مول­شەردە تولەنەدى.

تەحنيكالىق جانە كاسىپتىك ءبىلىم بە­رۋ ۇيىمدارىندا جۇمىسشى بىلىكتىلىگى بو­يىنشا وقيتىن ستۋدەنتتەردىڭ شاكىرت­اقىسى 21 787 تەڭگەدەن 32 681 تەڭ­گەگە, تەحنيكالىق جانە كاسىپتىك (ورتا بۋىن ماماندارىن دايارلاۋدى كوز­دەي­تىن), ورتا بىلىمنەن كەيىنگى ءبىلىم بەرۋ ۇيىمدارىندا وقيتىن ستۋدەنت­تەردىڭ شاكىرتاقسى 20 948 تەڭگەدەن 31 422 تەڭگەگە كوتەرىلەدى.

بۇل وزگەرىستەر 1 قىركۇيەكتەن باستاپ زاڭدى كۇشىنە ەنەدى.