قر پرەمەر-ءمينيسترىنىڭ ورىنباسارى – ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆانىڭ توراعالىعىمەن وقۋ پروتسەسىندە ەلەكتروندىق وقۋلىقتاردى پايدالانۋ جونىندە كەڭەس ءوتىپ, وعان وقۋ-اعارتۋ, تسيفرلىق دامۋ, يننوۆاتسيالار جانە اەروعارىش ونەركاسىبى, ادىلەت ۆيتسە-مينيسترلەرى, سونداي-اق «نازارباەۆ زياتكەرلىك مەكتەپتەرى» دببۇ, ى.التىنسارين اتىنداعى ۇلتتىق ءبىلىم اكادەمياسىنىڭ, «تالداۋ» اق-نىڭ, مەكتەپ وقۋلىقتارىن دايىندايتىن جەتەكشى باسپالاردىڭ جانە IT-كومپانيالاردىڭ وكىلدەرى قاتىستى, دەپ حابارلايدى Egemen.kz ۇكىمەتتىڭ ءباسپاسسوز قىزمەتىنە سىلتەمە جاساپ.
وقۋ-اعارتۋ ۆيتسە-ءمينيسترى ا.ءىلياسوۆ مەكتەپتەردى ەلەكتروندىق وقۋلىقتارمەن قامتاماسىز ەتۋ جونىندەگى احۋال جانە وسى باعىتتى ودان ءارى دامىتۋ بويىنشا جوسپارلانعان شارالار تۋرالى باياندادى. باسپالار مەن IT-كومپانيالاردىڭ وكىلدەرى ەلەكتروندىق وقۋلىقتار مەن ءبىلىم بەرۋ پلاتفورمالارى سالاسىنداعى سوڭعى ازىرلەمەلەرىن ۇسىندى.
كەڭەسكە قاتىسۋشىلار ەلەكتروندىق رەسۋرستاردىڭ الەۋەتىن جانە ولاردى ءبىلىم بەرۋ پروتسەسىن جەتىلدىرۋ ءۇشىن پايدالانۋ مۇمكىندىكتەرىن تالقىلادى. بۇل رەتتە پەداگوگتارعا ەلەكتروندىق رەسۋرستاردى تاڭداۋ قۇقىعى بەرىلۋگە ءتيىس ەكەنى ايتىلدى.
كەڭەستى قورىتىندىلاي كەلە, تامارا دۇيسەنوۆا مەكتەپتەردى ەلەكتروندىق وقۋلىقتارمەن جانە تسيفرلىق ءبىلىم بەرۋ رەسۋرستارىمەن قامتاماسىز ەتۋ تەتىكتەرىن ازىرلەۋ, وقۋ ماتەريالدارىن تسيفرلىق فورماتقا كوشىرۋ جانە ولاردى وقۋ پروتسەسىندە قولدانۋ جونىندە بىرقاتار تاپسىرما بەردى.