جەرورتا تەڭىزىنىڭ ورتالىق بولىگىندە, دالىرەك ايتقاندا يتالياعا جاقىن ماڭدا قايىق اپاتقا ۇشىراپ, 41 ميگرانت سۋعا باتتى, دەپ حابارلايدى Egemen.kz حابار 24 ارناسىنا سىلتەمە جاساپ.
3 تامىزدا ءتۋنيستىڭ سفاكس قالاسىنان جولعا شىعىپ, قاتتى تولقىننىڭ كەسىرىنەن اپاتقا ۇشىراعان قايىقتا 45 ادام بولعان. ولاردىڭ اراسىندا 3 بالا بار.
«قىزىل كرەست» ۇيىمى 4 جولاۋشىنىڭ ءتىرى قالعانىن حابارلادى.
«يتاليانىڭ جاعالاۋ كۇزەتى لامپەدۋزا ارالىندا 4 ميگرانتتى قۇتقارىپ قالدى. ولار اپاتتان كەيىن سۋدا ءجۇزىپ كەلە جاتقان. ولاردىڭ ايتۋىنشا, قايىقتىڭ قوزعالتقىشى ىستەن شىققان», دەدى «قىزىل كرەست» ۇيىمى باس حاتشىسىنىڭ ورىنباسارى يگناسيو شينتۋ.