ەرتەڭ ەلىمىزدىڭ بىرقاتار وڭىرىندە اپتاپ ىستىق بولادى

«قازگيدرومەت» رمك مالىمەتىنشە, ەلىمىزدىڭ باسىم بولىگىندە تۇراقسىز اۋا رايى كۇتىلەدى, جاڭبىر جاۋادى. قازاقستاننىڭ سولتۇستىگىندە, شىعىسىندا, ورتالىعىندا نايزاعاي ويناپ, بۇرشاق تۇسەدى, داۋىلمەن قاتتى جاڭبىر جاۋادى.

ەلىمىزدىڭ باتىسىندا, وڭتۇستىك-باتىسىندا, سولتۇستىك-شىعىسىندا جاۋىن-شاشىنسىز اۋا رايى كۇتىلەدى.

رەسپۋبليكامىزدىڭ باسىم بولىگىندە سينوپتيكتەر ەكپىندى جەل تۇراتىنىن بولجايدى.

كۇندىز الماتى, اتىراۋ, ماڭعىستاۋ, باتىس قازاقستان وبلىستارىنىڭ وڭتۇستىك-باتىسىندا اپتاپ ىستىق بولادى دەپ كۇتىلەدى: +35...+42°س .

استانادا كۇن قۇبىلمالى, اسپاندى بۇلت باسىپ, كۇندىز جاڭبىر جاۋادى, نايزاعاي وينايدى دەپ بولجانادى. شىعىستان, سولتۇستىك-شىعىستان سوققان جەلدىڭ ەكپىنى 5-10 م/س, كۇندىز نايزاعاي كەزىندەگى ەكپىنى - 15 م/س. اۋا تەمپەراتۋراسى تۇندە: + 17...+ 19°س, كۇندىز: +27...+ 29°س.

الماتىدا اسپان بۇلتتى, كۇن رايى جاۋىن-شاشىنسىز. اۋا تەمپەراتۋراسى تۇندە: +19...+21°س, كۇندىز: +32...+34°س.

شىمكەنتتە كۇن قۇبىلمالى, اسپان بۇلتتى, بىراق جاۋىن-شاشىنسىز. وڭتۇستىك-باتىستان, باتىستان سوققان جەلدىڭ ەكپىنى - 8-13 م/س. اۋا تەمپەراتۋراسى تۇندە: +21...+23°س, كۇندىز: +34...+36°س.