ەرتەڭ ەل بويىنشا ەكپىندى جەل سوعادى

مامانداردىڭ ايتۋىنشا, اتموسفەرالىق فرونتالدى ۋچاسكەلەردىڭ وتۋىمەن قازاقستاننىڭ باسىم بولىگىندە اۋا رايى قۇبىلمالى بولادى. سينوپتيكتەر جاڭبىر جاۋادى دەپ بولجاپ وتىر. «ەلدىڭ سولتۇستىك-باتىسىندا, شىعىسىندا, وڭتۇستىك-شىعىستىڭ تاۋلى ايماقتارىندا نايزاعاي ويناپ, بۇرشاق ارالاس جاڭبىر جاۋى مۇمكىن. تەك قازاقستاننىڭ باتىسىندا كۇن جاۋىن-شاشىنسىز بولادى», دەلىنگەن «قازگيدرومەت» رمك حابارلاماسىندا.

ناقتىراق ايتقاندا, ەل بويىنشا ەكپىندى جەل سوعادى. قازاقستاننىڭ سولتۇستىك-باتىسىندا تۇندە جانە تاڭەرتەڭ تۇمان تۇسەدى.

استانادا كوشپەلى بۇلت شىعادى, جاۋىن-شاشىنسىز. سولتۇستىك-شىعىستان 7-12 م/س جەل سوعادى. اۋا تەمپەراتۋراسى تۇندە +14+16°س, كۇندىز +28+30°س.

الماتىدا كوشپەلى بۇلت شىعادى, كۇندىز وتكىنشى جاڭبىر جاۋادى, نايزاعاي وينايدى. وڭتۇستىك-باتىستان سوعاتىن جەلدىڭ كۇشى 3-8, نايزاعاي كەزىندە ەكپىنى 15-20 م/س بولادى. اۋا تەمپەراتۋراسى تۇندە +18+20°س, كۇندىز +28+30°س.

شىمكەنتتە كوشپەلى بۇلت شىعادى, وتكىنشى جاڭبىر جاۋادى, نايزاعاي وينايدى. وڭتۇستىك-باتىستان سوعاتىن جەلدىڭ كۇشى 8-13, تاڭەرتەڭ جانە كۇندىز ەكپىنى 15-20 م/س بولادى. اۋا تەمپەراتۋراسى تۇندە +19+21°س, كۇندىز +31+36°س.