استانادا وسى اپتادا قانداي مادەني ءىس-شارالار وتەدى؟

تاريحي-مادەني مۇرا ەسكەرتكىشتەرى مەن وبەكتىلەرىنىڭ ساقتالۋىن قامتاماسىز ەتۋ ورتالىعى 7 تامىزدا تاڭعى ساعات 10-دا «قازاق دالاسىنىڭ ۇلى باتىرلارى» ءدارىسىن وتكىزەدى, ال 10 تامىزدا ساعات 10:00-دە «اباي كۇنى» اقپاراتتىق ساعاتىن ۇيىمداستىرادى.

اپتا بويى, ياعني 7-13 تامىز كۇندەرى ساعات 10:00-دەن 17:00-گە دەيىن ساكەن سەيفۋللين مۇراجايىندا اباي كۇنىنە جانە ش.قۇدايبەردي ۇلىنىڭ 165 جىلدىعىنا ارنالعان «اباي جانە شاكارىم» كورمەسى وتەدى.

8 تامىز كۇنى ساعات 15:00-دە №15 بۇقارالىق كىتاپحانا «اتا زاڭ – ارداعىم» سۇراق-جاۋاپ ساعاتىن وتكىزەدى.

9-13 تامىز ارالىعىندا ەلوردالىق تسيرك مانەجىندە «ازيا جاڭعىرىعى» حالىقارالىق تسيرك ونەرى فەستيۆالى وتەدى. قويىلىم ۋاقىتى: ساعات 16:00-دەن 18:30-عا دەيىن.

9 تامىز كۇنى كەشكى ساعات 19:00-دە استانا وپەرا «مۋزىكالىق دەمالىس» كونتسەرتىنە شاقىرادى.

10 تامىز كۇنى تاڭعى ساعات 10-دا اباي ەسكەرتكىشىنە گۇل شوقتارىن قويۋ ءراسىمى وتەدى. سونىمەن قاتار №5 بالالار كىتاپحاناسىندا «اباي قۇنانباي ۇلىنىڭ قۋعىن-سۇرگىنگە ۇشىراعان تۋىستارى مەن ۇرپاقتارى» اتتى كورمە اشىلادى.

ورتالىقتاندىرىلعان كىتاپحانا جۇيەسى ساعات 11:00-دە «اباي – جۇرەك قالاۋى دانالىق بەلگىسى» ادەبي-تەاترلاندىرىلعان قويىلىمىنا شاقىرادى.

ال №9 كىتاپحانادا ساعات 16:30-دا «سۇلتان بەيبارىس – ۇلى ماملۇك» تاريح ساباعى وتەدى.

11 تامىز كۇنى تاڭعى ساعات 11:00-دە «اتامەكەن «قازاقستان كارتاسى» ەتنو-مەموريالدىق كەشەنى حالىقارالىق جاستار كۇنىنە وراي «جاستار – ەل بولاشاعى» اتتى ءدارىس وتكىزەدى.

سونىمەن قاتار, № 5 بالالار كىتاپحاناسىندا ء«بىز ەسىرتكىگە قارسىمىز» دارىسىنە قاتىسۋعا بولادى.

11 تامىزدا ساعات 12:00-دە استانا وپەرا ساحناسىندا «قار حانشايىمى» مۋزىكالىق ەرتەگىسى كورسەتىلەدى. ساعات 19:00-دە مۇندا «ماريتسا» وپەرەتتاسى كورسەتىلەدى. سونىمەن قاتار, بەيبىتشىلىك جانە كەلىسىم سارايىندا دانيار ءجۇمادىلوۆ ستەند-اپ كونتسەرتىمەن ونەر كورسەتەدى.

12-13 تامىز كۇندەرى ساعات 11-دە Demalys Promenade اللەياسىنان «قازاقستان كۇنى» مونۋمەنتىنە دەيىن «ارماندار ورىندالاتىن قالا» يممەرسيۆتى تەاترى اشىلادى. ساعات 12:00-دە استانا گولف كلۋبىنىڭ الاڭىندا Satisfaction Fest فەستيۆالى وتەدى.

سونداي-اق وسى سەنبى جانە جەكسەنبى كۇندەرى ساعات 17:00-دەن 21:00-گە دەيىن قالالىق الاڭدا جانە ورتالىق جاعالاۋدا Creative summer باعدارلاماسى, ال نۇر الەم سفەراسى الدىنداعى ەكسپو الاڭىندا ساعات 20:00-دەن 23:00-گە دەيىن ءشامشى قالداياقوۆ اندەرىنىڭ فەستيۆالى, سول سياقتى كلاسسيكالىق جانە ۇلتتىق قازاق مۋزىكاسىنىڭ كونتسەرتى جۇمىس ىستەيتىن بولادى.

12 تامىزدا كەشكى ساعات 18:00-دە استانا وپەراسىندا «سوباكا نا سەنە» مۋزىكالىق كومەدياسى ۇسىنىلادى. 13 تامىزدا سول ساحنادا ساعات 12:00-دە «برەمەنسكيە مۋزىكانتى» مۋزىكالىق ەرتەگىسى, ال ساعات 18:00-دە «لەتۋچايا مىش» وپەرەتتاسى كورسەتىلەدى.