تالانتتى جازۋشى, ەلىمىزدەگى اندەرسەن اتىنداعى حالىقارالىق سىيلىقتىڭ لاۋرەاتى مارات قابانباي ءتىرى بولعاندا 75 جاسقا تولار ەدى.
كۇنى كەشە وسكەمەندە قازاقستان جۋرناليستەر وداعى شىعىس قازاقستان وبلىستىق فيليالىنىڭ توراعاسى نۇرتاس سولتان ۇلىنىڭ باستاماسىمەن تۇڭعىش رەت جازۋشى مارات قابانباي اتىنداعى شاعىن فۋتبولدان رەسپۋبليكالىق تۋرنير دۇركىرەپ ءوتتى. فۋتبول جارىسىنىڭ دەمەۋشىسى – قاشاندا ونەر مەن مادەنيەتتى, سپورتتى قولدايتىن «كازتسينك» جاۋاپكەرشىلىگى شەكتەۋلى سەرىكتەستىگى.
تۋرنيرگە اباي, جەتىسۋ جانە شىعىس قازاقستان وبلىستارىنان ونعا تارتا كوماندا قاتىستى. تارتىستى وتكەن شاعىن فۋتبول باسەكەسىندە تالدىقورعاننان كەلگەن «قارەكەت» كومانداسى باس جۇلدە مەن 1 ميلليون تەڭگەنى يەلەندى. ەكىنشى ورىندى – «اباي-اقپارات», ال ءۇشىنشى ورىندى «شىعىس» كوماندالارى جەڭىپ الدى. ولار تيىسىنشە 700 جانە 400 مىڭ تەڭگەنىڭ سەرتيفيكاتىنا يە بولدى. جۇلدەگەرلەر سىيلىقتارمەن, ماقتاۋ گراموتالارىمەن ماراپاتتالدى. ەندى بۇل جۋرناليستەر اراسىنداعى ءداستۇرلى تۋرنير بولماق. «كازتسينك» جاۋاپكەرشىلىگى شەكتەۋلى سەرىكتەستىگىنىڭ اكىمشىلىك ماسەلەلەر جونىندىگى اتقارۋشى ديرەكتورى اندرەي لازارەۆتىڭ ايتۋىنشا, كاسىپورىن الداعى ۋاقىتتا دا بۇقارالىق سپورتقا قولداۋ كورسەتە بەرمەك.
وڭداسىن ەلۋباي,
جۋرناليست
وسكەمەن