كونفەسسياارالىق جانە وركەنيەتارالىق ديالوگتى دامىتۋ جونىندەگى ن.نازارباەۆ ورتالىعىندا باق وكىلدەرى مەن بلوگەرلەرگە ارنالعان ء«دىني باعىتتاعى اقپاراتتىق جۇمىستىڭ ەرەكشەلىكتەرى» تاقىرىبىندا وقىتۋ سەمينارى ءوتتى.
ورتالىقتىڭ باسقارما توراعاسى بولات سارسەنباەۆ العىسوزىندە ەلىمىزدىڭ ءپوزيتيۆتى ءيميدجىن قالىپتاستىرۋ جانە جاھاندىق دىنارالىق ديالوگ الاڭىنىڭ تانىمالدىلىعىن ارتتىرۋ, سونداي-اق الەمدىك جانە ءداستۇرلى دىندەر كوشباسشىلارى سەزىن اقپارات الاڭىندا كەڭىنەن ناسيحاتتاۋ ءۇشىن جۋرناليستەر مەن بلوگەرلەردىڭ قولداۋى اسا ماڭىزدى ەكەنىن اتاپ ءوتتى.
– بيىل ەلىمىزدە دىندەر سەزىن وتكىزىپ كەلە جاتقانىمىزعا 20 جىل تولىپ وتىر. العاشقى الەمدىك جانە ءداستۇرلى دىندەر كوشباسشىلارىنىڭ سەزى 2003 جىلى ءوتتى. دەگەنمەن ءبىز ءالى دە وسى جيىننىڭ ماڭىزىن از ايتامىز. ونىڭ مەملەكەتىمىزدىڭ تۇراقتىلىعىنا, حالىقتار دوستىعىنا پايداسىن بىلە بەرمەيمىز. مەن شەتەلدەردە بولعاندا ول جاقتا حريستيان ءدىنى مەن يسلام ءدىنى اراسىندا بايلانىس ورناتۋدى ەندى عانا قولعا الىپ جاتقانىن كوردىم. ال بىزدە دىنارالىق ۇنقاتىسۋ الدەقاشان جولعا قويىلعان, – دەدى ورتالىق باسشىسى. سونىمەن قاتار ب.سارسەنباەۆ الداعى قازان ايىندا وتەتىن سەزدىڭ ءححى مەرەيتويلىق حاتشىلىعىنا دايىندىقتىڭ ماڭىزدىلىعىنا توقتالدى.
سەميناردا اقدم ءدىن ىستەرى كوميتەتى ينتەرنەت كەڭىستىگىندە ءدىني ەكسترەميزمنىڭ الدىن الۋدى ۇيلەستىرۋ باسقارماسى باسشىسى ج.دوليەۆ ء«دىن سالاسىنداعى نەگىزگى اقپاراتتىق باسىمدىقتار مەن قاعيداتتار», ورتالىقتىڭ باس ساراپشىسى س.الىمقۇلوۆا ء«دىن سالاسىن بۇقارالىق اقپارات قۇرالدارىندا جاريالاۋداعى ءدىني تەرميندەردى قولدانۋ ەرەكشەلىكتەرى», دىندەردى زەرتتەۋ ورتالىعىنىڭ ءجۋرناليسى ا.بەيسەمبى «بۇقارالىق اقپارات قۇرالدارىندا ءدىني اقپارات تاراتۋدىڭ ەرەكشەلىگى» تاقىرىپتارىندا بايانداما جاساپ, جۋرناليستەردىڭ سۇراقتارىنا جاۋاپ بەردى.
– ءبىز زايىرلى مەملەكەت بولعاندىقتان, بارلىق ءدىني بىرلەستىكتەرگە تەڭ قاراۋىمىز كەرەك. ويتكەنى زاڭ الدىندا بارلىعى بىردەي. بۇقارالىق اقپارات قۇرالدارى وكىلدەرى ءدىن تاقىرىبىندا سيۋجەت تۇسىرگەندە نەمەسە ماقالا جازعاندا بەلگىلى ءبىر ءدىني بىرلەستىكتىڭ ۇستانىمى تۇرعىسىنان سويلەۋىنە بولمايدى. ال ءبىز مەملەكەت تۇرعىسىنان پىكىر ءبىلدىرىپ, زاڭ اياسىنان شىقپاۋىمىز كەرەك, – اقدم ءدىن ىستەرى كوميتەتى ينتەرنەت كەڭىستىگىندە ءدىني ەكسترەميزمنىڭ الدىن الۋدى ۇيلەستىرۋ باسقارماسى باسشىسى ج.دوليەۆ.
سونداي-اق ول ءدىني تاقىرىپتا كەز كەلگەن سۇراق تۋىنداسا, دىننەن حابارى, ءدىني ءبىلىمى جوق ساراپشىلارعا جۇگىنبەي, ارنايى ۋاكىلەتتى ورگان – ءدىن ىستەرى كوميتەتىنە, سونداي-اق قازاقستان مۇسىلماندارى ءدىني باسقارماسىنىڭ رەسمي ماماندارىنان كەڭەس الۋعا شاقىردى.
ءىس-شاراعا جۋرناليستەر مەن بلوگەرلەردەن بولەك, قازاقستان مۇسىلماندارى ءدىني باسقارماسى مەن كاتوليك شىركەۋىنىڭ وكىلدەرى قاتىستى. سەمينار سوڭىندا بارلىق قاتىسۋشىلارعا سەرتيفيكاتتار تابىستالدى.