قۇبىردى جوسپارلى جوندەۋ جۇمىستارىنا بايلانىستى رايىمبەك داڭعىلىنىڭ ءبىر بولىگىندە ءبىر اي بويى جول جۇرۋگە جارتىلاي شەكتەۋ ەنگىزىلەدى, دەپ حابارلايدى Egemen.kz.
«28 شىلدەدە ساعات 22:00-دەن 27 تامىزعا دەيىن الماتىنىڭ جەتىسۋ اۋدانىندا رايىمبەك داڭعىلى بويىمەن – بايزاقوۆ كوشەسىنەن باتىس باعىتتاعى كازاكوۆ كوشەسىنە دەيىن اۆتوكولىكتەر ءۇشىن قوزعالىس جابىلادى», دەلىنگەن «الماتى جىلۋ جەلىلەرى» جشس تاراتقان حابارلامادا.
كومپانيادا اتالعان جول ۋچاسكەسىنىڭ ءجۇرۋ بولىگىمەن وتەتىن قۇبىرداعى جوسپارلى جۇمىستار كەزىندە قاۋىپسىزدىكتى قامتاماسىز ەتۋ ءۇشىن ۋاقىتشا شەكتەۋلەر ەنگىزىلگەنىن ءتۇسىندىردى.
«قولايسىزدىقتارعا تۇسىنىستىكپەن قاراپ, كورسەتىلگەن ۋچاسكەنى اينالىپ ءوتۋ جولدارىن الدىن الا بولجاۋلارىڭىزدى سۇرايمىز», دەپ حابارلادى جشس ءباسپاسوز قىزمەتى.