قر دەنساۋلىق ساقتاۋ ءمينيسترىنىڭ بۇيرىعىمەن نۇرلان زايكەش ۇلى ىسقاقوۆ قر دسم مەديتسينالىق جانە فارماتسەۆتيكالىق باقىلاۋ كوميتەتىنىڭ توراعاسى بولىپ تاعايىندالدى. بۇل تۋرالى ۇكىمەتتىڭ ءباسپاسوز قىزمەتى حابارلادى, دەپ جازادى Egemen.kz.
نۇرلان ىسقاقوۆ 1978 جىلى ومبى قالاسىندا (رەسەي فەدەراتسياسى) دۇنيەگە كەلگەن.
اقمولا مەملەكەتتىك مەديتسينالىق اكادەمياسىن, «تۇران استانا» ۋنيۆەرسيتەتىن, حالىقارالىق بيزنەس اكادەمياسىن, الماتى مەنەدجمەنت ۋنيۆەرسيتەتىن, رەسەي فەدەراتسياسى پرەزيدەنتىنىڭ جانىنداعى رەسەي حالىق شارۋاشىلىق جانە مەملەكەتتىك قىزمەت اكادەمياسىن بىتىرگەن.
ەڭبەك جولىن 1998 جىلى استانا قالالىق جەدەل جاردەم ستانساسىندا مەيىرگەر بولىپ باستاعان.
1999-2002 جىلدارى استانا قالالىق جەدەل جاردەم ستانساسىنىڭ فەلدشەرى بولىپ جۇمىس ىستەدى.
2002-2007 جىلدارى — استانا قالاسى دەنساۋلىق ساقتاۋ باسقارماسىنىڭ اپات مەديتسيناسى ءبولىمىنىڭ باس مامانى, اپاتتار مەديتسيناسى ورتالىعىنىڭ ۇيىمداستىرۋ-ادىستەمەلىك ءبولىمىنىڭ باستىعى.
2007-2008 جىلدارى — وڭتۇستىك قازاقستان وبلىسى دەنساۋلىق ساقتاۋ دەپارتامەنتىنىڭ اۋىلدىق دەنساۋلىق ساقتاۋ ءبولىمىنىڭ باس مامانىنىڭ مىندەتىن اتقارۋشى, باس مامانى.
2008-2009 جىلدارى — قر پرەزيدەنتىنىڭ ءىس باسقارماسى مەديتسينالىق oرتالىعىنىڭ سانيتارلىق-ەپيدەميولوگيالىق قاداعالاۋ باسقارماسىنىڭ ساراپشىسى, ەمدىك-شيپاجايلىق كومەك كورسەتۋدى ۇيىمداستىرۋ باسقارماسىنىڭ جانە ۇيىمداستىرۋ-قۇقىقتىق قامتاماسىز ەتۋ باسقارماسىنىڭ باس ساراپشىسى.
2009-2012 جىلدارى «سق-فارماتسيا» جشس قۇرىلىمىندا جۇمىس ىستەدى.
2012-2017 جىلدارى — قر پرەزيدەنتىنىڭ ءىس باسقارماسى مەديتسينالىق oرتالىعى اۋرۋحاناسىنىڭ كلينيكالىق-وڭالتۋ كەشەنىنىڭ مەديتسينالىق تەحنولوگيالاردى ەنگىزۋ ءبولىمىنىڭ باسشىسى, «مەديتسينالىق تەحنولوگيالار جانە اقپاراتتىق جۇيەلەر» اق پرەزيدەنتى قىزمەتىن اتقاردى.
2017-2020 جىلدارى — «Kazakh Tourism» ۇلتتىق كومپانياسى» اق تۋريستىك باعىتتاردى دامىتۋ دەپارتامەنتىنىڭ ديرەكتورى.
2020 جىلى — «سق-فارماتسيا» جشس باسقارما توراعاسىنىڭ ورىنباسارى.
2022 جىلدىڭ تامىز ايىنان باستاپ وسى ۋاقىتقا دەيىن قر دسم «س. قايىربەكوۆا اتىنداعى ۇلتتىق عىلىمي دەنساۋلىق ساقتاۋدى دامىتۋ ورتالىعى» شجق رمك باسقارما توراعاسىنىڭ ورىنباسارى قىزمەتىن اتقاردى.