«قازگيدرومەت» سينوپتيكتەرىنىڭ مالىمدەۋىنشە, قازاقستان اۋماعىنىڭ باسىم بولىگىندە اۋا رايى تۇراقسىز بولادى, تەك ەلىمىزدىڭ وڭتۇستىگىندە, باتىسىندا, سولتۇستىك-شىعىسىندا, ورتالىعىندا اۋا رايى نەگىزىنەن جاۋىن-شاشىنسىز بولادى, دەپ حابارلايدى Egemen.kz.
«اتموسفەرالىق فرونتالدى بولىكتەردىڭ ءوتۋى اسەرىنەن رەسپۋبليكانىڭ باسىم بولىگىندە تۇراقسىز اۋا رايى ساقتالادى. نايزاعاي ويناپ, بۇرشاق جاۋادى. تەك قازاقستاننىڭ وڭتۇستىگىندە, باتىسىندا, سولتۇستىك-شىعىسىندا, ورتالىعىندا اۋا رايى نەگىزىنەن جاۋىن-شاشىنسىز بولادى. رەسپۋبليكانىڭ سولتۇستىك-باتىسىندا, تۇندە باتىسىندا جەل كۇشەيەدى», دەپ حابارلادى «قازگيدرومەت» رمك.