استانادا بىرقاتار كوپىرلەردى رەكونسترۋكتسيالاۋ جانە سالۋ جۇمىسى ءجۇرىپ جاتىر, دەپ حابارلايدى Egemen.kz.
تىلەنديەۆ داڭعىلى ش.بەيسەكوۆا كوشەسىنىڭ قيىلىسىندا كولىك ايرىعى سالىنىپ جاتىر. پرەمەر-ءمينيستردىڭ ءبىرىنشى ورىنباسارى رومان سكليار مەن استانا اكىمى جەڭىس قاسىمبەك جول جۇمىسى قۇرىلىسىنىڭ بارىسىمەن جانە جول-كولىك جەلىسىن دامىتۋدىڭ پەرسپەكتيۆالىق جوسپارىمەن تانىستى.
مىسالى, كەنەسارى كوشەسىندە ەسىل وزەنى ارقىلى وتەتىن كوپىردى (كازگيۋ ۋنيۆەرسيتەتىنىڭ اۋدانى) جوبالاۋ جۇمىسى جۇرگىزىلىپ جاتىر. بۇل كوپىردىڭ قۇرىلىسى كەلەسى جىلى باستالادى دەپ جوسپارلانىپ وتىر.
«بيىل تاۋەلسىزدىك داڭعىلىنداعى كوپىردىڭ قۇرىلىسىن اياقتايمىز. بۇل كوپىر جولدارداعى كەپتەلىستى ەداۋىر جەڭىلدەتۋگە مۇمكىندىك بەرەدى: سول جاعالاۋدى تاۋەلسىزدىك داڭعىلىمەن, جاڭا تەمىرجول ۆوكزالىمەن, قوشقارباەۆ داڭعىلىمەن, ناجىمەدەنوۆ كوشەسىمەن, ازىرەت سۇلتان مەشىتى اۋدانىمەن, بايتۇرسىنوۆ, قورداي, ايناكول كوشەلەرىمەن, مومىش ۇلى داڭعىلىمەن جانە ت.ب. قوسىمشا بايلانىستى قامتاماسىز ەتەدى», دەلىنگەن اكىمدىك حابارلاماسىندا.