ماڭعىستاۋدا ەسىرتكىنىڭ ءىرى پارتياسى تاركىلەندى

11 ماۋسىم ساعات 00:30 شاماسىندا «قاراسورا-2023» رەسپۋبليكالىق جەدەل-پروفيلاكتيكالىق ءىس-شاراسى بارىسىندا ماڭعىستاۋ وبلىسى پد ەسىرتكىگە قارسى ءىس-قيمىل باسقارماسىنىڭ قىزمەتكەرلەرى 14 شاعىن اۋدان مەكەنجايى بويىنشا ەسىرتكى زاتتارىن ساقتادى دەگەن كۇدىكپەن 29 جاستاعى جەرگىلىكتى تۇرعىندى ۇستادى. 

ءتىنتۋ بارىسىندا كۇدىكتىدەن 31,70 گر مەفەدرون سالىنعان 33 بايلام تاركىلەندى. اۆتوكولىك پەن پاتەردى ءتىنتۋ كەزىندە تاعى 212 بايلام مەفەدرون تاركىلەندى.

سونىمەن قاتار قۇرامىندا پسيلوتسيبين بار 5 بايلام گالليۋتسينوگەندى ساڭىراۋقۇلاقتار تابىلدى. كۇدىكتى ەسىرتكىنى جاسىرعان تاعى ءبىر ورىندى ءوز ەركىمەن كورسەتىپ, ول جەردەن دە 532,34 گر مەفەدرون تاركىلەندى.

بارلىعى 768,38 گر مەفەدرون جانە 165,43 گر پسيلوتسيبين تاركىلەندى.

قر قك 297-بابى 3-بولىگى بويىنشا پد سدتبت-دە تىركەلدى. كۇدىكتى ۋۇي-عا قامالدى. تەرگەۋ امالدارى جۇرگىزىلىپ جاتىر.