قر پارلامەنتى سەناتىنىڭ دەپۋتاتى بەكبول ورىنباساروۆ ماڭعىستاۋ وبلىسىنداعى جۇمىسى اياسىندا الەۋمەتتىك نىسانداردى ارالاپ, كاسىپورىنداردىڭ ەڭبەك ۇجىمدارىمەن اڭگىمەلەستى, دەپ حابارلايدى Egemen.kz.
سەناتور «اقتاۋ تەڭىز پورتى اەا» اق-عا بارىپ, ارنايى ەكونوميكالىق ايماقتىڭ جۇمىسىمەن جانە ونى ودان ءارى دامىتۋ جوسپارىمەن تانىستى. دەپۋتات ەكونوميكا سالالارىنداعى قولداۋ شارالارىنا تۇسىنىكتەمە بەردى جانە وڭدەۋ ونەركاسىبىن ودان ءارى دامىتۋعا باعىتتالعان نەگىزگى تەتىكتەرگە توقتالدى.
- «اقتاۋ تەڭىز پورتى» ارنايى ەكونوميكالىق ايماعى وڭىردەگى ونەركاسىپ درايۆەرى بولىپ ەسەپتەلەدى. جىل سايىن ايماققا كەلەتىن شەتەلدىك ينۆەستورلاردىڭ سانى كوبەيىپ, جاڭا جۇمىس ورىندارىن اشۋعا قوسىمشا سەرپىن بەرىلەدى, دەپ اتاپ ءوتتى ورىنباساروۆ.
ساپار بارىسىندا «اتامەكەن» وڭىرلىك كاسىپكەرلەر پالاتاسىنىڭ باسشىلىعىمەن دە كەزدەسۋ ۇيىمداستىرىلدى. كەزدەسۋدە كاسىپكەرلىك سالاسىن دامىتۋ, وتاندىق جانە شەتەلدىك ينۆەستورلاردى تارتۋ ماسەلەلەرى تالقىلاندى. سەناتور سونداي-اق ءتۇرلى پروبلەمالىق ماسەلەلەر بويىنشا تۇرعىنداردى دا قابىلدادى.
دەپۋتات «كاسپي تۇششىلاندىرۋ زاۋىتى» جشس-دە بولىپ, تۇششىلاندىرۋ زاۋىتىن كەڭەيتۋ جوباسىمەن تانىستى. زاۋىتتا جاڭعىرتۋ جۇمىستارى اياقتالعاننان كەيىن تاۋلىگىنە 40 مىڭ تەكشە مەتر تەڭىز سۋىن تۇششىتۋعا مۇمكىندىك بەرەتىنى ايتىلدى. بەكبول ورىنباساروۆ اتالعان كاسىپورىننىڭ ماڭىزدىلىعىن اتاپ ءوتىپ, جوندەۋ-ورناتۋ جۇمىستارىنىڭ جاقىن ارادا ءساتتى اياقتالاتىنىنا سەنىم بىلدىرەتىنىن جەتكىزدى.