«قازگيدرومەت» سينوپتيكتەرى 8 شىلدەگە ارنالعان اۋا رايى بولجامىن جاريالادى, دەپ حابارلايدى Egemen.kz.
سينوپتيكتەردىڭ مالىمەتىنشە, 8 شىلدەدە ەلىمىزدىڭ باسىم بولىگىندە جاۋىن-شاشىن بولادى. رەسپۋبليكانىڭ وڭتۇستىك-شىعىسىندا نايزاعاي ويناپ, قاتتى جاڭبىر جاۋادى. سولتۇستىكتە, شىعىستا, وڭتۇستىك-شىعىستا بۇرشاق جاۋىپ, ەكپىندى جەل سوعادى. جەل ەكپىنى كۇشەيەدى. ال ەلدىڭ باتىسىندا سولتۇستىك-باتىستان كەلگەن انتيتسيكلون اسەرىنەن اۋا رايى جاۋىن-شاشىنسىز بولادى.
باتىس قازاقستان, اتىراۋ, اقتوبە, ماڭعىستاۋ, قىزىلوردا, ۇلىتاۋ وبلىستارىنىڭ باسىم بولىگىندە, قوستاناي وبلىسىنىڭ وڭتۇستىگىندە قاتتى اپتاپ ىستىق ساقتالادى.
اتىراۋ وبلىسىنىڭ وڭتۇستىگىندە قاتتى ىستىق بولجاندى.
جامبىل, قىزىلوردا, ماڭعىستاۋ وبلىستارىنىڭ باسىم بولىگىندە, وڭتۇستىگىندە, باتىسىندا, سولتۇستىگىندە, تۇركىستان وبلىسىنىڭ ءشولدى ايماقتارىندا, اتىراۋدىڭ وڭتۇستىگىندە, قوستاناي, قاراعاندى جانە ۇلىتاۋ وبلىستارىنىڭ وڭتۇستىگىندە, وڭتۇستىكتە, اقتوبەنىڭ وڭتۇستىك-شىعىسىندا, جەتىسۋ وبلىسىنىڭ سولتۇستىك-باتىسىندا توتەنشە ءورت قاۋپى بار.
جەتىسۋ, اباي, سولتۇستىك قازاقستان وبلىستارىنىڭ باسىم بولىگىندە, باتىستا, الماتىنىڭ ورتالىعىندا, وڭتۇستىكتە, باتىس قازاقستاننىڭ شىعىسىندا, باتىسىندا, وڭتۇستىگىندە, شىعىس قازاقستاننىڭ شىعىسىندا, سولتۇستىگىندە, وڭتۇستىگىندە, شىعىسىندا اقمولا, قوستاناي وبلىسىنىڭ سولتۇستىگىندە جوعارى ءورت قاۋپى بار.