مەملەكەت باسشىسى شۆەيتساريانىڭ سىرتقى ىستەر ءمينيسترىن قابىلدادى

قاسىم-جومارت توقاەۆ ەكى ەل اراسىنداعى تىعىز قارىم-قاتىناس دوستىق پەن ىنتىماقتاستىق رۋحىندا دامىپ كەلە جاتقانىن اتاپ ءوتتى.مەملەكەت باسشىسى شۆەيتساريانىڭ الماتىداعى قۇرمەتتى كونسۋلدىعى قىزمەتىنىڭ باستالۋىمەن قۇتتىقتادى. ونىڭ رەسمي اشىلۋ راسىمىنە ينياتسيو كاسسيس قاتىستى.مەملەكەت باسشىسى شۆەيتساريا قازاقستاننىڭ ەۋروپاداعى نەگىزگى ساياسي, ساۋدا جانە ەكونوميكالىق سەرىكتەستەرىنىڭ ءبىرى ەكەنىن ايتتى. قازىرگى ۋاقىتتا شۆەيتساريا قازاقستاننىڭ جەتەكشى 20 ساۋدا سەرىكتەسىنىڭ قاتارىنا كىرەدى. ەلىمىزگە جالپى كولەمى 32,5 ميلليارد دوللاردان استام ينۆەستيتسيا قۇيعان ءۇش ءىرى ينۆەستوردىڭ ءبىرى.ء«بىز قازاقستان ەكونوميكاسىنىڭ پەرسپەكتيۆتى سالالارىنا ينۆەستيتسيا قۇيۋعا دايىن جاڭا شۆەيتساريالىق كومپانيالاردى قولدايمىز. قازاقستان ۇكىمەتى مەن Stadler تەمىرجول كونتسەرنى اراسىندا قول قويىلعان كەلىسىمنىڭ كەلەشەگى زور دەپ ويلايمىن. سوندىقتان وسى مامىلەنىڭ جۇزەگە اسىرىلۋ بارىسىن ەرەكشە قاداعالايمىز. بۇل ءبىزدىڭ قارىم-قاتىناسىمىزدىڭ دامۋىنا تىڭ سەرپىن بەرەدى»,  دەدى قاسىم-جومارت توقاەۆ.مەملەكەت باسشىسى شۆەيتساريا كونفەدەراتسياسىنىڭ پرەزيدەنتى الەن بەرسەگە ىزگى تىلەگىن جولدادى.

ينياتسيو كاسسيس ەكىجاقتى ىنتىماقتاستىقتىڭ قازىرگى دامۋ دەڭگەيىنە وڭ باعا بەرىپ, ونى نىعايتۋ ىسىنە اتسالىسۋعا دايىن ەكەنىن جەتكىزدى.

شۆەيتساريانىڭ سىرتقى ىستەر ءمينيسترى ەلىمىزدە جۇرگىزىلىپ جاتقان اۋقىمدى رەفورمالاردى جوعارى باعالادى.«ەكىجاقتى ساۋدا مەن ينۆەستيتسيا تىعىز بايلانىستارىمىزدىڭ ماڭىزدى باعىتى سانالادى. ءوزىڭىز ايتقانداي, ەگەر شۆەيتساريانىڭ جەكە كومپانيالارى ءسىزدىڭ ەلىڭىزگە ينۆەستيتسيا قۇيسا, بۇل رەفورمالارىڭىزدىڭ تابىستى جۇزەگە اسۋىنا, سونداي-اق قارجى سالۋ ءۇشىن جاسالاتىن جاعدايدىڭ جاقسارۋىنا ىقپال ەتەدى», دەدى مينيستر.اڭگىمەلەسۋ بارىسىندا وڭدەۋ ونەركاسىبى, ساۋدا جانە لوگيستيكا, ماشينا جاساۋ, اۋىل شارۋاشىلىعى, قارجى قىزمەتتەرى, تسيفرلاندىرۋ, ءبىلىم بەرۋ سالالارىندا بىرلەسكەن ينۆەستيتسيالىق جوبالاردى ىسكە اسىرۋعا ەرەكشە نازار اۋدارىلدى.سونىمەن قاتار كەزدەسۋدە حالىقارالىق جانە وڭىرلىك كۇن تارتىبىندەگى وزەكتى ماسەلەلەر قاراستىرىلدى.