تۇپقاراعان اۋداندىق ءبىلىم بولىمىنە قاراستى مەملەكەتتىك بالاباقشالاردىڭ ءبىرى 32,1 ملن تەڭگەگە 3 دانا پرينتەر ساتىپ الۋدى جوسپارلاعان, دەپ حابارلايدى Egemen.kz.
«وڭىردە مەملەكەتتىك ساتىپ الۋلاردى ءتيىمسىز جوسپارلايتىن مەكەمەلەر بار. ءبىر عانا مىسال, تۇپقاراعان اۋداندىق ءبىلىم بولىمىنە قاراستى مەملەكەتتىك بالاباقشالاردىڭ ءبىرى 32,1 ملن تەڭگەگە 3 دانا پرينتەر ساتىپ الۋدى جوسپارلاعان. ياعني, پرينتەردىڭ ءبىر داناسىن 10,7 ملن تەڭگەدەن ساتىپ الۋدى كوزدەگەن. الايدا, جوعارىدا كورسەتىلگەن تاۋاردىڭ نارىقتاعى قۇنى 100 مىڭ تەڭگەنى قۇرايتىنى انىقتالدى. دەپارتامەنتپەن ەنگىزىلگەن ۇسىنىم حاتتىڭ نەگىزىندە مەملەكەتتىك ساتىپ الۋ جوسپارى قايتا قارالىپ, 31 ملن تەڭگە قاراجات ۇنەمدەلدى», دەدى سىبايلاس جەمقورلىققا قارسى قىزمەت دەپارتامەنتى باسشىسىنىڭ ءبىرىنشى ورىنباسارى ءبىرجان حايرۋللين.
ايتا كەتەيىك, سىبايلاس جەمقورلىققا قارسى قىزمەتتىڭ ماڭعىستاۋ وبلىسى بويىنشا دەپارتامەنتىنىڭ حابارلاۋىنشا, جىل باسىنان بەرى 1,2 ملرد تەڭگە كولەمىندەگى مەملەكەت قارجىسى ۇنەمدەلدى.