ماڭعىستاۋ وڭىرىندە «2021–2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوبا» باعدارلاماسى اياسىندا جالپى قۇنى 35 ملرد تەڭگە بولاتىن 912 جوبا ماقۇلدانىپ, 247 جۇمىس ورنى ساقتالعان, 424 قوسىمشا جۇمىس ورنى قۇرىلدى. 2023 جىلدان باستاپ جۇمىسپەن قامتۋ اياسىندا جاس كاسىپكەرلەرگە 2,5%-بەن نەسيە بەرۋ باستالعان بولسا, وسى باعىتقا رەسپۋبليكالىق بيۋدجەتتەن 815 ملن تەڭگە قاراجات ءبولىنىپ, 163 جاس كاسىپكەرگە تومەندەتىلگەن پايىزبەن نەسيە بەرۋ جوسپارلاندى. سونىمەن قاتار, اۋىل تۇرعىندارىنىڭ تابىسىن ارتتىرۋ ماقساتىندا «اۋىل اماناتى» قاناتقاقتى باعدارلاماسى اياسىندا رەسپۋبليكالىق بيۋدجەت ەسەبىنەن 1,2 ملرد تەڭگە قاراجات ءبولىنىپ, باعدارلاما اياسىندا 237 جوبانى قارجىلاندىرۋ جوسپارلانعان.
كاسىپكەرلەرىنە قارقىندى قولداۋ كورسەتۋدى قولعا العان «قازاقستاننىڭ ۇزدىك تاۋارى» رەسپۋبليكالىق كورمە-بايقاۋىنىڭ وڭىرلىك كەزەڭى ءوتتى. وتاندىق ءونىمنىڭ ساپاسىن ارتتىرۋ, ەل نارىعىن باسەكەگە قابىلەتتى تاۋارمەن تولىقتىرۋعا باعىتتالعان جىل سايىن ۇيىمداستىرىلاتىن شاراعا وبلىستاعى 60 كاسىپورىن, رەسەيدىڭ استارحان وبلىسى دۋماسىنىڭ توراعاسى يگور مارتىنوۆ باستاعان دەلەگاتسيا, ماڭعىستاۋ وبلىستىق كاسىپكەرلەر پالاتاسى وكىلدەرى مەن ەلىمىزدىڭ ۇلىتاۋ, اباي, قوستاناي, اقتوبە, اتىراۋ, باتىس قازاقستان وبلىستارى مەن الماتى قالاسىنىڭ ءبىر توپ كاسىپكەرلەرى, بيزنەس قولداۋشىلارى قاتىستى. ءوڭىر باسشىسى نۇرلان نوعاەۆ ءار كاسىپكەر ۇسىنعان تاۋارلار كورمەسىن ارالاپ, قولداۋىن ءبىلدىردى.
بايقاۋ «وندىرىستىك ماقساتتاعى ۇزدىك تاۋارلار», «حالىققا ارنالعان ۇزدىك تاۋارلار» جانە «ۇزدىك ازىق-ت ۇلىك تاۋارلارى» ءۇش اتالىمى بويىنشا جۇرگىزىلىپ, ءار اتالىم بويىنشا ءۇش-ۇشتەن - توعىز جەڭىمپاز ايقىندالدى. جەڭىمپازدار ارنايى جۇلدەمەن ماراپاتتالدى.
«وندىرىستىك ماقساتتاعى ۇزدىك تاۋارلار» اتالىمى بويىنشا «كازازوت» اق, «كاسكور-ماشزاۆود» جشس جانە «وسس قازاقستان» جشس جەڭىمپاز اتاندى. ال «حالىققا ارنالعان ۇزدىك تاۋارلار» اتالىمىندا جەكە كاسىپكەرلەر اسەل جەكەنوۆا, يلەس جۇماحان ۇلى, الدابەرگەن تىلەنباەۆ جەڭىسكە لايىق دەپ تانىلدى. سونىمەن قاتار, «ۇزدىك ازىق-ت ۇلىك تاۋارلارى» اتالىمى بويىنشا «جاڭاوزەن ءسۇت زاۋىتى» جشس, «Korkem Alem» جشس, «MAGA-BREAD» جشس ۇزدىك شىقتى.
راسىندا دا, شاعىن بيزنەستى دامىتۋ جانە نىعايتۋ – مەملەكەتتىڭ باستى تاپسىرمالارىنىڭ ءبىرى. قازىر رەسپۋبليكالىق جانە جەرگىلىكتى كولەمدە كاسىپكەرلەرگە جان-جاقتى قولداۋ كورسەتىلۋدە. ماسەلەن, وڭىردە تىركەلگەن شاعىن جانە ورتا بيزنەس سۋبەكتىلەرىنىڭ سانى وتكەن جىلمەن سالىستىرعاندا 28% ءوسىپ, 87 مىڭعا جەتكەن. اشىلعان كاسىپكەرلىكتەردەگى جۇمىسپەن قامتىلعانداردىڭ سانى 23% ءوسىپ, 155 مىڭ ادامعا جەتىپ وتىر. سالتاناتتى شارادا جەڭىمپاز اتانعان بارلىق كاسىپكەرلەردى قۇتتىقتايمىن. ولارعا رەسپۋبليكالىق بايقاۋدا ساتتىلىك تىلەيمىن», دەدى وبلىس اكىمى نۇرلان نوعاەۆ.
وڭىرلىك بايقاۋدىڭ 9 جەڭىمپازى «قازاقستاننىڭ ۇزدىك تاۋارى» رەسپۋبليكالىق كورمە-بايقاۋىنا جولداما الدى.
ماڭعىستاۋ وبلىسى