بۇگىننەن باستاپ قازاق تىلىندەگى «ياندەكس كارتى» ناۆيگاتسيالىق قوسىمشاسى بارشا وتانداستارىمىز ءۇشىن قولجەتىمدى بولىپ وتىر. توپونيمدەر جانە ۇيىم اتاۋلارىمەن قوسا, قوسىمشانىڭ تولىق ينتەرفەيسى دە قازاق تىلىنە اۋدارىلعان. سونداي-اق باعىت ۇستانۋعا كومەكتەسەتىن دىبىستىق كەڭەستەر دە اۋدارىلعان.
وسى وقيعاعا وراي الماتىدا ءباسپاسوز ءماسليحاتى ءوتىپ, ياندەكس كارتى ءونىمىنىڭ حالىقارالىق جەتەكشىسى ەۆگەني شيلنيكوۆ پەن قازاقستانداعى ياندەكس تاكسي باسشىسى بايدۇيسەن تايىر, قازاقشا ياندەكس كارتى ناۆيگاتسيالىق قوسىمشاسى قانداي جاڭا مۇمكىندىكتەر ۇسىنا الاتىندىعى, ياندەكس تاكسيدە كارت تەحنولوگيالارى قالاي قولدانىلاتىنى تۋرالى باياندادى.
قازىرگى تاڭدا «ياندەكس كارتى» قوسىمشاسىن قازاقستاندا 800 مىڭعا جۋىق ادام قولدانسا, بۇل وتكەن جىلمەن سالىستىرعاندا 85%-عا ارتىق.
ەندىگى تجەردە ياندەكس كارتى قوسىمشاسىنىڭ جاڭارتۋلارى IOS پەن Android-قا شىعىپ تا قويعان. مەملەكەتتىك ءتىلدىڭ قوسىلۋى ەلدەگى قازاق ءتىلىن بىلەتىن جانە ونى كۇندەلىكتى ومىردە قولداناتىن تۇرعىندار ءۇشىن بۇل قىزمەتتى بۇرىنعىدان دا ىڭعايلى ەتە تۇسپەك.
ء«بىز قازاقستاننىڭ بارشا حالقىنا مۇمكىندىگىنشە ىڭعايلى ناۆيگاتسيالىق قوسىمشا ۇسىنۋعا ۇمتىلىپ جاتىرمىز. ەندى ول تەك ورىس تىلىندە عانا ەمەس, قازاق تىلىندە دە قولجەتىمدى بولعاندىقتان, ءبىز وسى ماقساتقا جاقىنداي باستادىق. دىبىستىق كەڭەستەردىڭ قازاق تىلىندە پايدا بولۋىنىڭ ماڭىزدىلىعى تۋرالى بولەك اتاپ وتكىم كەلەدى, ويتكەنى ونى قازاقستانداعى ياندەكس كارتى قولدانۋشىلارىنىڭ 90%-ى پايدالانادى», دەدى ياندەكس كارتى ءونىمىنىڭ حالىقارالىق باسشىسى ەۆگەني شيلنيكوۆ.
سونىمەن IOS-تا قوسىمشانىڭ ءتىلىن تەلەفون باپتاۋىندا, ال دىبىستىق كەڭەستىڭ ءتىلىن – كارت قوسىمشاسىنىڭ باپتاۋىندا اۋىستىرا الاسىز: «داۋىستار جانە ەسكەرتپەلەر» – «اننوتاتسيا ءتىلى» – «قازاقشا»
Android-تا بارلىعىن قوسىمشانىڭ ىشىندە اۋىستىرۋعا بولادى. ينتەرفەيس ءتىلىن اۋىستىرۋ ءۇشىن «باپتاۋلار» – «كارتا جانە ينتەرفەيس» – ء«تىل» – «قازاقشا». ال قازاقشا كەڭەستەردى قوسۋ ءۇشىن – «باپتاۋلار» – «داۋىستار جانە ەسكەرتپەلەر» – «اننوتاتسيا ءتىلى» – «قازاقشا».