پرەمەر-مينيستر ءاليحان سمايىلوۆ توتەنشە جاعدايلار مينيسترلىگىنىڭ ۇجىمىنا جاڭا باسشى – سىرىم ءشارىپحانوۆتى تانىستىردى, دەپ حابارلايدى Egemen.kz.
«پرەمەر-مينيستر ۆەدومستۆونىڭ الدىندا ازاماتتىق قورعاۋ سالاسىنداعى مەملەكەت باسشىسى مەن ۇكىمەت بەلگىلەگەن بىرقاتار ماڭىزدى مىندەت تۇرعانىن اتاپ ءوتتى. بۇل رەتتە قازىرگى ۋاقىتتا اباي وبلىسىنداعى ءىرى تابيعي ءورتتى وقشاۋلاۋ جانە جويۋ اسا ماڭىزدى», دەلىنگەن ۇكىمەتتىڭ ءباسپاسوز قىزمەتىنىڭ حابارلاماسىندا.
سونداي-اق ءاليحان سمايىلوۆ مۇنداي جاعدايلاردىڭ الدىن الۋ ءۇشىن ارنايى شارالاردى ورىنداۋ دەڭگەيىن ارتتىرۋ ماڭىزدى ەكەنىن اتاپ ءوتتى.
ء«سىز بۇكىل پروتسەستى ۇيلەستىرىپ وتىرۋىڭىز كەرەك. بۇل ءىرى ورتتەردىڭ الدىن الۋ جانە سۋ تاسقىنى ماسەلەلەرىنە دە قاتىستى. ءبىز وسىنداي ءىرى توتەنشە جاعدايلاردىڭ الدىن الۋ ءۇشىن قاجەتتى شارالاردىڭ بارلىعىن قابىلداپ وتىرۋىمىز كەرەك. ازاماتتىق قورعاۋ ورگاندارىنىڭ جۇمىسى مەن جىلدامدىعىنا كوپ نارسە بايلانىستى», دەدى ءاليحان سمايىلوۆ.
ەستەرىڭىزگە سالا كەتەيىك, مەملەكەت باسشىسى بۇگىن توتەنشە جاعداي ءمينيسترى يۋري ءيليندى قىزمەتىنەن بوساتتى. ونىڭ ورنىنا سىرىم ءشارىپحانوۆتى تاعايىنداعان ەدى.