سينوپتيكتەر الداعى ءۇش كۇنگە ارنالعان اۋا رايى بولجامىن ۇسىندى, دەپ حابارلايدى Egemen.kz.
«قازگيدرومەت» رمك مالىمەتىنشە, ەلىمىزدىڭ باسىم بولىگىندە تسيكلوننىڭ جانە اتموسفەرالىق فرونتالدى بولىكتەردىڭ اسەرىنەن نايزاعاي ويناپ, جاڭبىر جاۋادى. 9 ماۋسىم كۇنى رەسپۋبليكانىڭ سولتۇستىگىندە, ورتالىعىندا بۇرشاق جاۋىپ, شاڭدى داۋىل تۇرادى.
«8 ماۋسىم كۇنى شىعىستا وتە قاتتى ىستىق بولادى, 8-9 ماۋسىمدا رەسپۋبليكانىڭ وڭتۇستىك-شىعىسىندا +41 گرادۋسقا دەيىن ىستىق ساقتالادى. سونداي-اق سول كۇندەرى سولتۇستىك-باتىستا, سولتۇستىكتە, ورتالىق پەن شىعىستا اپتاپ ىستىق بىرتە-بىرتە باسىلىپ, اۋا تەمپەراتۋراسى +20 +28 گرادۋس بولادى», دەلىنگەن حابارلامادا.