ليونەل مەسسي «پاري سەن-جەرمەن» فۋتبول كلۋبىنان كەتەدى

بۇعان دەيىن «پسج» باسشىلىعى 2021 جىلدان بەرى كلۋبتىڭ نامىسىن قورعاپ كەلە جاتقان 35 جاستاعى فۋتبولشىمەن كەلىسىمشارتتى ۇزارتۋعا مۇددەلى ەكەنىن ايتقان بولاتىن. الايدا تاراپتار كەلىسە الماعان, ەندى مەسسي بارسەلوناعا ورالۋى مۇمكىن نەمەسە مانسابىن ساۋد ارابياسىندا جالعاستىرادى.   مەسسيدىڭ مامىر ايىنىڭ باسىندا ساۋد ارابياسىنا ەكى اپتاعا رۇقساتسىز كەتكەنى ءۇشىن ونىڭ جاتتىعۋلار مەن ويىنداردان ەكى اپتاعا شەتتەتىلۋى ماسەلەنى ودان ءارى ۋشىقتىرعان.    27 مامىردا مەسسي «ستراسبۋرگتىڭ» قاقپاسىنا گول سوعىپ, كومانداسىنا ويىندى  تەڭ اياقتاۋعا جول اشتى. بۇل پاريجدىكتەرگە فرانتسيا تيتۋلىن جەڭىپ الۋعا مۇمكىندىك بەردى.    ايتا كەتەيىك,  مەسسي وسى ماۋسىمداعى فرانتسيا چەمپيوناتىندا 31 ماتچتا 16 گول سوعىپ, 16 ناتيجەلى پاس بەرگەن.