كەيىنگى جىلدارى جاستاردىڭ ءداستۇرلى دىنگە قارسى دەسترۋكتيۆتى اعىمداردىڭ جەتەگىندە كەتۋى قوعامدى الاڭداتىپ وتىرعان كۇردەلى ماسەلەگە اينالدى. وسى ورايدا ادامزات ءۇشىن ۇلكەن قاۋىپ-قاتەر تۋعىزىپ وتىرعان تەرروريزم مەن ءدىني ەكسترەميزمنىڭ الدىن الۋدا وسكەلەڭ ۇرپاق تاربيەسىنە ەرەكشە كوڭىل ءبولۋ ماڭىزدى.
الماتى قالاسى ءدىن ىستەرى جونىندەگى باسقارماسىنىڭ قولداۋىمەن «ادام جانە قوعام» ۇكىمەتتىك ەمەس ۇيىمىنىڭ ۇيىمداستىرۋىمەن ءدىني ەكسترەميزم مەن تەرروريزمنىڭ الدىن الۋ ماقساتىندا بىلىكتى تەولوگتار, ءدىنتانۋشىلار, ساراپشىلار, پسيحولوگ جانە فيلوسوفتاردىڭ قاتىسۋىمەن الماتى قالاسىنىڭ 100-گە جۋىق جالپى ءبىلىم بەرۋ مەكەمەلەرى مەن كوللەدجدەر مۇعالىمدەرىنە ارنالعان 12 ساعاتتىق سەمينار ءوتتى.
ءدىن سالاسىنداعى كەلەڭسىزدىكتەردىڭ الدىن الۋدا ءدىني ساۋاتسىزدىققا جول بەرمەۋ, ءداستۇرلى ءدىني تۇسىنىكتى جاستار بويىندا قالىپتاستىرۋ – مەملەكەتتىك قاۋىپسىزدىكتىڭ الدىن الۋدا ەرەكشە نازار اۋداراتىن ماسەلە. وسى ورايدا سەمينار بارىسىندا ماماندار تاراپىنان دەسترۋكتيۆتى ءدىني اعىم يدەولوگياسىنىڭ قوعامعا قاۋپى جانە وعان قارسى قولدانىلاتىن دالەلدەر مەن ءادىس-تاسىلدەر, زايىرلىلىق تۇسىنىگى, عالامتور كەڭىستىگىندە كۇماندى ءدىني اقپاراتتاردىڭ تارالۋىن بولدىرماۋ جانە وعان قارسى ءتيىمدى ناسيحاتتىق جۇمىستاردى جۇرگىزۋ ادىستەرىمەن قاتار ءدىن سالاسىنا قاتىستى اقپاراتتار بەرىلدى.
الماتى قالاسى ءدىن ىستەرى جونىندەگى باسقارماسى باسشىسىنىڭ ورىنباسارى ەرعالي كوشەكە اتاپ وتكەندەي, بۇگىندە ءدىن سالاسىنداعى مەملەكەتتىك ساياساتتىڭ نەگىزگى باعىتتارىنىڭ ءبىرى ءدىني ەكسترەميزم يدەولوگياسىنىڭ تارالۋىنىڭ الدىن الۋ, ءداستۇرلى ەمەس ءدىني يدەولوگيانىڭ تارالۋىنا قارسى ناسيحات جۇمىستارىن جۇرگىزۋ ماڭىزدى. ءدىني ەكسترەميزم يدەولوگياسىنىڭ تارالۋىنا قارسى كۇرەستە جالپى ءبىلىم بەرۋ مەكەمەلەرى مەن كوللەدجدەردىڭ مۇعالىمدەرى وسى سەميناردان وراسان تاجىريبە الىپ, جۇمىستارىندا ءتيىمدى پايدالانا الادى.
سەمينار وقىتۋشىسى, «نۇر-مۇباراك» مىسىر يسلام مادەنيەتى ۋنيۆەرسيتەتى ءدىني ەكسترەميزمگە قارسى ءىس-قيمىل ورتالىعىنىڭ ديرەكتورى تيمۋر ءنۇسىپحان ۇلى قاتىسۋشىلارعا دەسترۋكتيۆتى ءدىني اعىمداردىڭ ەرەكشەلىكتەرى, ەكسترەميستىك جانە تەرروريستىك ۇيىمدارعا تارتۋدىڭ پسيحولوگيالىق ادىستەرى, سونداي-اق قوعامدىق قاۋىپسىزدىكتى ساقتاۋ مەن مەملەكەتتىڭ وركەندەۋى ءۇشىن كونفەسسياارالىق كەلىسىمنىڭ ماڭىزدىلىعى تۋرالى ايتتى.
سەميناردا ماماندار قاتىسۋشىلار سۇراقتارىنا جاۋاپ بەرىپ, ارنايى سەرتيفيكاتتار تابىس ەتىلدى.
الماتى