بالالاردى ۇرۋعا زاڭمەن تىيىم سالىنۋى مۇمكىن

«دەنە جاراقاتىن سالۋعا زاڭمەن تىيىم سالۋ – وتە ماڭىزدى. بۇگىندە 65 مەملەكەتتە بۇل زاڭ كۇشىنە ەندى. تاعى 27 ەل بۇل زاڭعا قوسىلۋدى جوسپارلاپ وتىر. ونىڭ اراسىندا قازاقستاننىڭ كورشىلەرى دە بار. سوندىقتان وتباسىندا دا, وتباسىنان تىس جەردە دە دەنە جاراقاتىنا تىيىم سالۋ ماڭىزدى بولىپ وتىر. ءبىز بالالارعا زورلىق-زومبىلىق جاسالۋىنا, ولاردى ۇرىپ-سوعۋعا جول بەرمەۋىمىز كەرەك. بۇل – قوعام الدىنداعى مىندەتىمىز», دەدى ارتۋر ۆان ديزەن.

ال پوليتسەيلەر «بالالاردى تۇنگى ۋاقىتتا كوشەگە جالعىز جىبەرمەۋ كەرەك» دەپ وتىر. ءتارتىپ ساقشىلارىنىڭ دەرەگىنشە, قازاقستاندا جىل سايىن كوشەدە بەيمەزگىل جۇرگەن 100 مىڭنان استام جەتكىنشەك پوليتسيا بولىمشەسىنە جەتكىزىلەدى. ال وسى جىلدىڭ باسىنان بەرى ۇيلەرىنەن تىس جەردە جۇرگەن 22 مىڭنان استام كامەلەتكە تولماعان بالا ۇستالىپتى.

«زاڭنامادا تۇنگى ۋاقىتتا ويىن-ساۋىق ورىندارىندا كامەلەتكە تولماعاندى كىرگىزۋگە مۇمكىندىك بەرەتىن كاسىپكەرلەرگە قاتىستى جاۋاپكەرشىلىك قاراستىرىلعان. بيىل وسىنداي 680 كاسىپكەر جاۋاپقا تارتىلدى. ءبىز مۇنداي ادامداردى ىشكى ىستەر ورگاندارىنىڭ ەسەبىنە قويامىز, ولارمەن پروفيلاكتيكالىق جۇمىس جۇرگىزەمىز»,  دەدى قر ءىىم اكىمشىلىك پوليتسيا كوميتەتى توراعاسىنىڭ ورىنباسارى رەنات زۇلحايىروۆ.