قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمىمەن جانە وبلىس اكىمىنىڭ وكىمىممەن رۋستام مارات ۇلى يساتاەۆ الماتى وبلىسى اكىمىنىڭ ورىنباسارى بولىپ تاعايىندالدى, دەپ حابارلايدى Egemen.kz الماتى وبلىسى اكىمدىگى ءباسپاسوز قىزمەتىنە سىلتەمە جاساپ.
رۋستام مارات ۇلى 1986 جىلى تۋعان, ءبىلىمى جوعارى. 2008 جىلى ۇلىبريتانيانىڭ دارەم ۋنيۆەرسيتەتىندە «ەكونوميكا», 2021 جىلى اقش-تىڭ گارۆارد ۋنيۆەرسيتەتىندە «مەملەكەتتىك باسقارۋ ماگيسترى» ماماندىقتارى بويىنشا ءبىلىم العان.
ەڭبەك جولىن 2008 جىلى قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگى ماكروەكونوميكالىق تالداۋ جانە جوسپارلاۋ دەپارتامەنتىنىڭ باس ساراپشىسى بولىپ باستاعان.
«Kazakh Invest» ۇلتتىق كومپانياسى» اق باسقارماسى توراعاسىنىڭ ورىنباسارى, قر سىرتقى ىستەر مينيسترلىگىنىڭ ينۆەستيتسيالار كوميتەتىنىڭ توراعاسى, قازاقستان رەسپۋبليكاسى سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى, «Eurasia Group Kazakhstan» جشس ۆيتسە-پرەزيدەنتى قىزمەتتەرىن اتقارعان.
2022 جىلدىڭ جەلتوقسان ايىنان باستاپ الماتى وبلىسى اكىمىنىڭ كەڭەسشىسى لاۋازىمىندا بولدى.